Wir Albrecht von gotes gnaden Herczog ze Österreich, ze Steyr, ze Kernden vnd ze Krain, Graf ze Tyrol etc. Tu^on chunt, daz vnser getrewr Hainreich in der Ayst vns mit seinem offenem briefe, sur sich vnd seyne erben aufgesent hat ayn Mül vnd ayn gu^ot, gelegen in der Aist, die er von vns zu lehen hatte vnd pat vns fleisiclich, daz wir die verleihen geru^echten vnserm lieben getrewn Eberharten von Kapelln, wan er Si dem verkaufft hiet, Das haben wir getan vnd haben dieselben Mül vnd das gu^ot in der Aift mit alles den zu^ogehörungen vnd Rechten, alz die der obgenant Haynreich herbracht hat, dem vorgenanten Kapeller vnd seynen erben verlihen vnd leihen auch mit visern briefe, waz wir ze recht daran leihen sullen oder mugen, von vns, vnserm lieben bru^oder herczog Leupolten vnd von vnsern erben in lehens weys inne zu haben vnd ze niesen alz Landes vnd lehens Recht ist. Mit vrchund dicz briefs, Geben ze Wienn an sand Erharts tage. Nach kristes geburt dreutzehenhundert iar vnd darnach in dem Newn vnd Sibenczigisten Iare.||
dommus dux per se.

Source Fulltext: OÖUB 9 (Wien 1906), S. 557-558