Ich Jörig der Waldekker die zeit vitztu^em in nidern,Bayern vergich Offenbar mit dem briff. Das fu^er mich chomen ist Margret die Erba^erin von Aschach mit vorsprechen vnd pat||
gerichtz auf alliv div Güter dt der ajpt von sand Peter ze Salczbu^erch in dem Weilhart gericht v^eber all hiet vnd sprach das ein gu^et gelegen wa^er in Ostermu^edinga^er pharr vnd haist dacz Stain, daz wa^er i^er va^eternleich Erb, da hietz sy vmb gerecht in der Land Schran als lang vnczt daz i^er ertailt wart, Sy scholt i^eren Herren Nennen vnd stellen also Recht wa^er, da Nantz sy den ajpt von sand Peter ze Salczbu^erch vnd pat den er schu^eld i^er Herr sein zw^e dem gu^et, des hiet er nicht tan, da sprach di^e fraw sy wär ze grözzem schaden Chömen. Dar vmb pa^et sy des rechten hincz dem ajpt von sand Peter ze||
Salczburch, Das verantwurt der Ajpt von sand Peter mit seinem Diener Chv^enraten dem Go^edlinger, dem gab er seinen vo^elligen gewalt zw dem Rechten ze gewing vnd ze fflu^est vnd der sprach, daz daz güt seins Herren vnd seins Gotzhaus vreis aigen wär vnd hiet sein vreiew Stifft Darauff, vnd geha^el auch der Erba^erin dhain Erbschafft nicht auf dem gu^et vnd hiet auch von im vnd von seinem Gotzhaus nie nichtz gehabt vnd macht auch in nicht geweissen. daz sy rechter Erb zw dem gu^et wa^er, vnd ist auch ir der Paw^eman, der auff dem Gu^et Siczt, Margrethen der Erba^orin enprosten mit rechtem redleichem rechten vor gewaltigem Richter in Offner Schran das dem Richter vnd maynigen Pidern mann wol chünt ist, die dez tagz bey dem rechten gewessen sint. Da vragt ich vmb waz Nu^e recht wa^er, da sagt vrag vnd volig vnd auch daz rechten. Das der ajpt von sand Peter vnd sein Gotzhaus heut vnd fu^erbas mit Ru^en sol Sein vor Margreten der Erba^erin vnd vor allen i^eren Erben. Dar u^eber wart dem ajpt von sand Peter vnd seinem Gotzhaus ertailt mein grichtbrif den ich im dar über geben han vnders vicztüms A^empcz anhangunden Jnsigel versigelt. Pey dem Rechten ist gewessen Albrecht der To^emlinger di^e zeit Richta^er ze Weilh(art) vnd der gancz Rat ze Prawn(aw) vnd Gewolff der Seiffritzdorffer vnd Hans der Pu^ebenhoffer vnd Heinrich der Landschreiber vnd Herman der Chastner vnd der Phleger von ErnEkk vnd Heinrich von Raitenpüch vnd Hanns der Zollner vnd Hanns der Tv^emayer vnd Vlreich der Holczajphel von Pu^erchh(awsen), Andre vnd Martein die paid daz wart darvmb gesprochen habent vnd Asppernl der Amptman vnd Heintzl ampman von sand Jlligenperg vnd ander Erbern Lawt gemu^eg (!). Der brif ist geben worden ze Prawn(aw) dez nachsten freittagz nach sand erhartztag. Do man zalt von Christes gepürt Dreuczehen Hvndert Jar, darnach in dem Newn vnd Sibczkistem Ja^er.

Source Fulltext: OÖUB 9 (Wien 1906), S. 567-568