Wir Albrecht von Gotes gnaden Herczog ze O^estereich, ze Steyr, ze Kernden, vnd ze krayn, Graf ze Tyrol zc. Tün chunt, daz vns vnser getrewer Ott der Freytell mit seinem offenn brif aufgesant hat, die halben Veste ze Wynthag, die er von vns zu Lehen gehabt hat, Vnd pat vns an dem egenanten seinem brief fleisseklich, daz wir dieselben halben Veste mit aller zü gehörung verlihen geru^ochten vnserm getrewen Hansen von Aw seinem Öhem, wan er die von Jm gechaufft hiet, Das haben wir getan vnd haben Jm die verlihen vnd leihen auch, was wir Jm durch Recht, daran leihen sullen oder mugen, Also daz er vnd sein erben die vorgenante halben veste vnd was darczu^o gehöret, fürbazz von vns, vnserm lieben bru^oder Herczog Leuppolten, vnd von vnsern erben in Lehens weise innehaben vnd niessen sullen als Lehens vnd Landes Recht ist, Mit vrchund dicz briefs, Geben ze Wyenn an Mittichen vor sand Agnesen tag, Nach krists gepürdt drewczehen Hundert Jar, darnach in dem Nevn vnd Sibenczigisten iare. d. dux p. m. camere de L.

Source Fulltext: OÖUB 9 (Wien 1906), S. 569