Wir Albrecht von Gots gnaden Herczog ze Österreich, ze Steyr, ze Kernden vnd ze Krain, Graf ze Tyrol etc. Tu^on chunt, Daz wir vnsern getrewen ~ den Purgern ze Wels die gnad getan haben vnd tu^on auch, daz dhain vnser herren, Ritter oder Knecht si oder ir holden, die si auf dem Lande haben, von Vogtey oder von anderer solicher sache wegen Stewre in dhainen weg, denn mit vnserm besunderm gu^etlichen willen. Dauon gebieten wir vnserm getrewen lieben Hainrich von Walsse houbtmann ob der Ens oder wer ye ze den zeiten vnser houbtmann ob der Ens ist, vnd wellen, Daz er die vorgenanten vnser Purger vnd ir holden bey derselben vnsrer gnade vesteklich halte vnd schirme von vnsern wegen, daz in von yemann chain ingriff noch beswerung daran gescheche in dhainen weg. Mit vrchund dicz briefs. Geben ze wienn an sand Agnesen tag Nach krists geburdt dreutzehenhundert jar, darnach in dem nevn vnd Sibentzigisten jare. dominus dux per Jo. de T.

Source Fulltext: OÖUB 9 (Wien 1906), S. 569-570