Ich Ru^oger von Starichenberch der Ju^enger, hern Gundachers Sun von Starichenberch, Dem Got gnad, Vergich fu^er mich vnd fu^er all mein Erben vnd tu^en kunt offenleich mit dem brief allen den, die jn sehent lesent oder ho^erent lesen, die nv lebent vnd hernach chu^enftig sint, Daz ich mit gu^etem willen, mit wolbedachtem mu^et, mit gunst aller meiner erben vnd nach Rat meiner nechsten frewnt zu der zeit, Do ich es wol getu^on mocht, Verchaufft vnd geben han meinem genedigen herren, Dem hochgeporn fu^ersten herczog Albrechten ze O^esterreich, ze Steyr, ze Kernden vnd ze Krain, Graf ze Tyrol etc. vnd seinen Erben, Von erst meins rechten Lehens, daz ich von dem Byschof ze Pazzaw vnd von demselben Gotshaus ze Lehen gehabt han, mein Vest genant Starichenberch gelegen oberhalb der Ens an dem Hawsrukk vnd den Markcht ze Hag, gelegen pey derselben Vest mit aller seiner zu^egeho^erung vnd den Pawhof gelegen vnder der Vest vnd alles daz Paw vnd wismat, daz zu derselben Vest geho^eret, vnd daz holcz, daz genant ist der Viecht, mit grunt mit all, vnd dacz (!) holcz, daz genant ist der Chogel, auch mit grunt mit all, paydew gelegen pey der egenanten Vest vnd alle die zehent, die ich gehabt han, die gelegen sint daselbens in Starichenberger gericht, vnd die Manschaft der Vest ze Weydenholcz vnd aller irer zu^egeho^erung, die ich von dem Bischof vnd dem Gotshaws ze Pazzaw ze Lehen gehabt han vnd die denn die Weydenholczer von mir ze Lehen gehabt habent, vnd alle die Manschaft, die ich von dem Byschof vnd dem Gotshaus ze Pazzaw ze Lehen gehabt han, die edel La^ewt, Purger vnd Pawrn von mir ze Lehen gehabt habent, wo dieselb Manschaft oberhalb der Ens leit, es sein zehent, Ho^ef oder Hueben, oder wie die gu^eter genant sint. Darczu han ich dem egenanten meinem herren herczog Albrechten vnd seinen Erben verchaufft vnd geben meins rechten Lehens, daz ich von dem Bischof ze Babemberch vnd von demselben Gotshaus ze Lehen gehabt han, daz Vrbar gelegen in der gegent, die genant ist Gebelschirichen, es sey phenning gu^elt oder welherlay gu^elt oder zyns daz ist, vnd den Vorst gelegen an dem Hausrukk, vnd meins rechten Lehens, daz ich ze Lehen gehabt han von dem Abbt ze Lambach vnd von demselben Gotshaus, den Hof ze Penibanch vnd Sechczehen zehenthaus, die darczu^e geho^erent, vnd alles daz, daz zu demselben Hof geho^eret, vnd meins rechten Lehens, daz ich von dem Abbt ze Ma^ennse vnd von demselben Gotshaus ze Lehen gehabt han, die Manschaft gelegen in dem Dretnechtal, die edel La^ewt, Purger vnd Pawrn von mir ze Lehen gehabt habent, Vnd meins rechten Aigens den Wald mit grunt mit all, der da haizzet der Pranwald, gelegen pey der egenanten Vest ze Starichenberch vnd den Hof ze Rotenpach, den Hof auf dem Portz, vnd den Hof ze affenanch, vnd alles daz, daz zu denselben dryn ho^efen geho^eret, daz alles aigen ist, vnd den zehent auf denselben Ho^efen vnd auf aller irer zu^egeho^erung, der Lehen ist von dem Bischof vnd dem Gotshaus ze Pazzaw, vnd aberso meins rechten aigens die Manschaft der Vest dacz Sant Jo^ergen, vnd alles daz, daz darczu^e geho^eret, vnd die Manschaft des Syczes an dem Mos, da zu den zeiten Wernczel der Jo^eriger auf gesezzen ist, vnd alles daz, daz darczu geho^eret, vnd die Manschaft des Siczes in der Pewnt, vnd alles daz, daz darczu^e geho^eret, da zu den zeiten Wernczel der Du^eczschenperger auf siczet, vnd alle die Manschaft, die ich gehabt han Oberhalbe der Ens, die edel Lawt, Purger vnd Pawrn von mi^er ze Lehen gehabt habent, es sein Ho^ef, Hueben, zehent vnd Gu^eter, wie die genant sint vnd wo die oberhalb der Ens ligent, Si sein aigen oder Lehen. Auch han ich dem egenanten meinem Herren Herczog Albrechten, vnd seinen Erben verchaufft vnd geben alle die Vischwayd, die zu der egenanten Vest ze Starichenberch geho^erent, Dieselben vischwayd ich von den Grafen von Schownberch ze Lehen gehabt han, vnd daz Lantgericht vnd alle die Gericht, die zu der egenanten Vest ze Starichenberch geho^erent, die ich auch von den Grafen von Schownberch ze Lehen gehabt han, vnd die vreyn aigen, die in dasselb Lantgericht geho^erent, der fu^emf schilling gu^eter sint vnd dient ye daz Gu^et alle iar ainen Meczen habern Vogtrecht vnd ayn hu^en. Dieselben Vest Starichenberch vnd alle die Gu^eter vnd Stukch, die vorbenant vnd geschriben sint, vnd alles daz, daz zu derselben Vest vnd zu den vorgeschriben gu^etern vnd Stukchen zu Jm allen vnd zu i^er igleichem geho^eret, La^ewt vnd Gu^et, in vrbar, ze holcz, ze veld vnd ze Dörff, Es sey gestifft oder vngestifft, versu^echt oder vnuersu^echt oder sey Lehen oder aigen oder wie so daz genant ist, han ich dem egenanten meinem herren herczog Albrechten vnd seinen Erben Recht vnd redleich verchaufft vnd gegeben mit aller zu^egeho^erung, vnd mit allen den nu^eczen, ern vnd rechten, Als ich es yetzunt zu der zeit, in nu^ecz vnd in gewer gehabt han, vmb drew Tausent phunt wienner phenning, der mich der egenant mein herr herczog Albrecht, gancz vnd gar verrichtet vnd gewert hat, Also, daz er vnd sein Erben su^ellen fu^erbaz die egant Vest, Gu^eter vnd Stukch mit allen zu^egeho^erungen, nu^eczen, ern vnd rechten, So vorbenant vnd begriffen ist, Ledichleich vnd freyleich haben, besiczen, niezzen vnd nu^eczen vnd allen allen (!) iern frumen damit schaffen, verchauffen, verseczen vnd geben, wem Si wellen, wie Jn daz allerpest chu^emt vnd fu^egleich ist, an allen i^errsal, Vnd verpinden auch wir vns, ich egenanter Ru^eger von Starichenberch vnd all mein Erben vnuerschaydenleich, der vorgenanten Vest vnd aller der Gu^eter vnd Stukch, die vorgeschriben vnd benant sint, mit allen i^eren zu^egeho^erungen, nu^eczen, ern vnd rechten, so vorbenant vnd begriffen ist, Dem egenanten vnserm Herren Herczog Albrechten vnd seinen Erben ze rechtem gewern vnd scherm fu^er alle ansprach, an aller stat, wo Jn des durfft geschiecht mit dem rechten, des Lehens, als Lehens recht ist, vnd des Aigens, als Aygens recht ist, vnd des Lanndes recht ze O^esterreich ob der Ens, Also, ob daz wer, daz Jn an der offtgenanten Vest ze Starichenberch oder an den gu^etern vnd Stukchen, die vorbenant sint, vnd an allen i^ern vorgeschriben zu^egeho^erungen icht chrieges oder ansprach auferstu^end, von wem daz wer, mit recht oder ob Jn daran icht abgieng mit recht, Daz su^ellen wi^er Jn alles aufrichten vnd widerchern an allen i^ern schaden. Tet wi^er des nicht, allen den schaden, den Si des denn nement, wie der schad genant ist, Den su^ellen wir Jn genczleich ablegen vnd widerchern mitsampt dem Haubtgu^et Vnd sullen Si daz haben dacz mi^er vnd allen meinen Erben vnd auf allem vnserm gu^ot Ligundem vnd varundem, wie daz genant ist vnd wo wi^er daz haben oder hinder vns lazzen, wir sein lebentig oder tod, vnd su^ellen des dauon becho^emen, so Si nechst mu^egen. Vnd daz der vorgeschriben Chauf vnd Handel, fu^erbaz also stet vnd vnzebrochen beleib, Daru^eber so gib ich obgenanter Ru^eger von Starichenberch fu^er mich vnd fu^er all mein Erben, dem offtgenanten meinem herren, herczog Albrechten vnd allen seinen Erben den brif ze einem warn vrku^end vnd ze einer ewigen vestnung der Sach versigilten mit meinem anhangundem insigil vnd mit meins vettern jnsigil hern Ru^egers von Starichenberch des eltern vnd mit meiner Ohemen insigiln, des erbern Herren Hern Hainreichs von Waltse die czeit Haubtman ob der Ens, hern Gundakchers von Tannberch, hern Purcharts von Wynnden vnd Otten von Topel, die der Sach gezeugen sint, mit irn anhangunden Jnsigiln. Der brief ist geben ze Wienn nach Christes gepu^ert drewzehenhundert Jar, darnach in dem Newn vnd Sybenczgistem iar an sant Pertelmes abent des heyligen zwelifpoten.

Source Fulltext: OÖUB 9 (Wien 1906), S. 685-688