Wir Albrecht vnd Leupolt bru^eder von gots gnaden Herczogen ze O^esterreich, ze Steyr, ze Kernden vnd ze Krain, Grafen ze Tyrol etc. Bekennen vnd tu^on chunt offenlich mit disem brief, Swas, der verlehenten, oder aigenen gu^eter ist, die vns veruallen vnd ledig worden sind, von Reynharten dem Ponhalmen, von solicher vngetat wegen, die er begangen hat, Daz wir, dieselben veruallne gu^eter, alle, wie die genant, oder swa si gelegen sind, vnd swas darzu^o geho^ert, vnserm getrewn lieben Reynprechten von Walsse, vnd seinen erben, von besundern gnaden verlihen haben, ze rechtem Lehen, vnd leihen auch, was wir, in ze recht daran leihen sullen vnd mugen von, vns, vnd vnsern erben, inneczehaben vnd ze niezzen, als lehens, vnd Landes recht ist. Mit vrchund dicz briefs, Geben ze Wienn, an Montag, vor sand Marien Magdalenen tag, Nach Christes gepurd, dreuczehenhundert iar, vnd darnach in dem Nevn vnd Sibenczigiften iare. ||
domini duces ambo.

Source Fulltext: OÖUB 9 (Wien 1906), S. 664-665