„Ich Albrech der Prantsteter ze den zeiten Burger ze Cell, mein Hausfrau vnd all vnser erben" — geben ze chauffen — „vnser Haus vnd Hofstat dacz Cell gelegen an dez Pharrer garten da selben gegen des alten Anichen Haus über, dem Erwierdigen vnserm gna^edigen Herrn, Hern Fridrech Bischof ze Chyemse, das von dem Goczhaus ze Chyemsse lehen ist, mit allen den rechten, eren, vnd nuczczen vnd gesuechen, di dar zue geho^erent aus vnsrer nuczcz vnd gewer in die irn vmb vierczik phunt wienner phening, der wier gancz vnd gar gericht vnd gewert sein." — Geloben fu/arstand und Gewer zu sein, sowie Schäden zu ersetzen. — „Wer vns auch mit dem prief mant von iren wegen vnd mit i^eren guetleichem willen. oder wem vnser vorgenanter Herr Her fridreich der Bischof von Chyemsse das egenant Haus vnd Hofstat schu^oeff oder ga^ob, dem sey wier schuldig als in selben alles des das oben verschriben ist, Mu^eesten se mit vns dar v^eber chriegen oder rechten, wo dar wer, gaistleich oder wertleich, das schullen se alles haben behabt vnd wier verlarn. Das in das also stat vnd vnczeprochen beleib, Geben wier in den prief mit des Erbern vesten Ritter Hern Mertein von der Alben vnd mit Chunracz des Pharrchircher anhangunden Jnsigln, die se durch vnser fleizzig gepet willen, wann wier aygner Jnsigl nicht hetten, an den prief gehengt habent vnd versiglt, in vnd irn erben an all scha^oden, Dar v^onder wier vns verpinten mit vnsern treun allez das stat ze halten vnd ze volfuern das oben an dem prief verschriben ist. Des sind zeug Her Thoman Pharrer ze Cell, Hennsl der Anich vnd Paul paid Burger da selb. Das ist geschehen an sand Jacobs ambent (!) alls man zalt nach Christes gepurd dreuczehen hundert Jar vnd dar nach in dem Na^oun vnd Sibenczkisten Jar.

Source Fulltext: OÖUB 9 (Wien 1906), S. 665-666