Ich Hans von Pergaw, der Jvnger, vnd alle mein Erben, Wir veriechen — vmb den chauf den wi^er getan vnd gewandelt haben von dem tail den wi^er gehabt haben an dem Haws ze Wienn gelegen in der Pippinger Strazz mit vnsern lieben Pru^eder Hern Vlreichen von Pergaw^e Hofrichter in Österreich vnd mit seinen Erben, alz wi^er y^em dez Emaln vnsern chaufprief dar vmb verschriben vnd gegeben haben, do mein vorgenants Jansen des Jvngen von Pergaw^e Jnsigel anhanget. Nu scholt ich ym dez Grunt Herren Jnsigel auch daran pracht haben Hern Hansen Jnsigel pey den Mynnern pru^edern ze Wyenn, Hern Weykcharts Svn dem daz selb Haws gancz mit allen tailen die mein pru^eder Hans vnd auch der vorgenant mein Pru^eder Her Vlreich vnd i^er paider Erben gegen mi^er dar an habent Jaerleicheich (!) gedi^ent hat zwainczik phenning ze Gruntrecht in der zeit vnd die wandlung vmb den selben meinen tail dez vorgeschriben Haws sich vergie, do gepot got mit seinem gwalt vber den Egenanten Hern Hansen Hern weykcharts Sun pey den minnern pru^edern ze Wienn, daz er starb vnd in got hin nam daz wi^er daz insigel nicht gehaben machten, Auch so het ich vorgenanter Hans der Jvng von Pergaw^e in den selben ersten chauf prief verschriben meinen pru^eder Hansen von Pergaw^e vnder drug saczen in O^esterreich daz er mit sampt mi^er den chauf staeten scholt mit seinem Jnsigel, der hat dez nicht getan, Dar vmb seid dez alles nicht geschehen ist, vnd mich doch der vorgenant mein Pru^eder Her V/elreich von Pergaw^o die zeit Hof richter in O^esterreich vnd sein erben dez vorgeschriben meins tails alz ich in ze chauffen gegeben han an dem Egenanten Haws ze Wyenn genczleich verrichtt vnd gwert habent mit beraitem gelt, So versprich ich in mit meinen trewn an aydes stat, Wann daz ist, daz mich got fu^erbas ze Lande schikcht, daz ich in denn dez vorgeschriben chaufs gu^ot staetigung machen vnd tu^en schol nach der Herren oder nach der vrew^ont rat, Also daz si furbas wol da mit besargt sein, daz Lub ich in alles ze laisten mit meinen trew^en an geuaer. — vnd ze ayner waren V/erchund der sache so gib ich vorgenanter Hans der Jvng von Pergaw^e dem Egenanten Hern Vlreichen von Pergaw^e meinem prv^eder die zeit Hofrichter in O^esterreich vnd seinen erben den brief besigelt mit meinem anhangundem Jnsigel vnd mit Hern ffridreichs Jnsigel von Potendorf den ich dez gepeten han, daz er der sach auch geczeug ist mit seinem Jnsigel im an schaden, der prief geben ze Eberreichstorf nach christi gepu^ert drewczehen Hvndert Jar darnach in dem Nev^en vnd Sybencziksten iar an sand Jacobs tag.

Source Fulltext: OÖUB 9 (Wien 1906), S. 666-668