Wir Albrecht von gotes gnaden, Herczog ze Östereich, ze Steyr ze Kernden vnd ze Krayn, Graf ze Tyrol etc. Thu^on chunt, daz für vns vnd vnser Herren chömen, vnser getrewn Ludweig der Ekharczawer vnd Peter der Losenstaina^er vnd vorderten an vnsern getrewn Vlreichen den Eberstorffa^er iren eribtail, der si anerstorben wa^ere von weilant i^err anen einer Eberstorffa^erinne. Da fragten wir di vorgenant vnser Herren, waz recht wa^er. die erfu^onden zu einem rechten nach peder tail fürgab, vnd widerred, möcht der egenant Vlreich der Eberstorffa^er weisen, daz er vnd sein Vordern der gu^eter dreizzig jar, an nu^ocz vnd an gewa^er gesezzen wa^eren, dez solt er geniezzen. Da chöm aber der obgenant Eberstorffa^er vnd wolt die gewer also geweiset haben, Des v^eber hu^oben in die vorgenanten der Ekharzawer vnd der Losenstaina^er vnd dauon mainen wi^er, daz er vnd sein erben bey den egenanten gütern fürbaz beru^obt beleiben. Mit vrchund dicz briefs, Geben ze Wienn, an Mitichen nach dem Hoftaiding ze Phingsten. Anno Domini Millesimo Trecentesimo Septuagesimo nono.||
D. Dux per consilium.

Source Fulltext: OÖUB 9 (Wien 1906), S. 649-650