ICH Niclas der Ru^etler di zeit amptman vnd schaffer jn der erbern cho^erhern Spital zu^e Newnbu^erg Klo^esterhalben vergich — Daz fu^er mich cho^em, do ich fas an offem rechten, der erber cho^erherr her ernst der techler di zeit Oblaimaister vnser vrawn gotshaus zu^o Newnburg vnd clagt mit vorsprechen an der Oblay stat vnd noch ir v^erchu^end prief sag hincz aim vi^ertail weingarten gelegen an der langen gazzen ze nachst des vraw^eenknechts weingarten, do man alle jar von dient jn der cho^erhern Spital ain halben emmer weins ze perchrecht vnd ain helbling ze voy^etrechtz vnd nicht mer, vnd clagt vmb ain halb phunt wienner phenning gelcz versezzens purchrechtes vnd vmb di zwispild vnd pat gerichtes. do vragt ich vmb, waz recht wer. Do wart ertailt, jch solt Niclasen von mu^eczesperg dem alten chu^echenmaister ain fu^erbot lazzen werden, wann er dez weingarten an nu^etz vnd an gwer waz, vnd gescha^ech dar noch, waz recht wer. Daz fu^erbot ward gesagt zu^e rechter zeit vnd vro^enbot daz pewert vor dem rechten, alz er ze recht solt. Noch dem selben fu/arbot cho^em niemant fu^er recht, der den egenanten weingarten het verantwu^ertt, vnd clagt der egenant Oblaimaister an der Oblay stat hincz dem egenanten virtail weingarten drey^e vi^erczehen tag vmb sein versezzen purchrecht vnd ward daz fu/arbot all zeit vor dem rechten pewert als lang, vncz daz jrn schatzer vnd schawer mit dem rechten darauf wu^erden geben vnd di sagten, alz si ze recht sagen solten, Daz si den egenanten weingarten geschaczt vnd gewchawt hieten vnd daz noch iren trewen, so si allerpest chu^enten vnd mo^echten, daz er nicht als tewr wer alz daz versezzen purchrecht vnd di zwispild, di mit recht darauf ertailt vnd gegangen sint. Do pat der egenant Oblaimaister an der Oblai stat vragen, waz nu^e recht wa^er. Do vragt ich vmb. Do ward ertailt, Seint schaczer vnd schawer heten gesagt, daz der egenant Wweingarten niht alz tewr wa^er alz daz versezzen purchrecht vnd di zwispild, di mit reht darauf ertailt vnd gegangen sint, Jch solt di gwer dez egenanten weingarten jnn haben virczehen tag jn der zeit Niclasen den alten chu^echenmaister vnd all di rechtens daran ja^enen, anpieten; wolten si sich mit dem egenanten Oblaimaister nicht verrichten noch der Oblai vrchünd prief, So solt er mir mein recht geben. daz hat er getan vnd solt ich jn des obgenanten weingarten an der Oblai stat gewaltig machen vnd an di gwer seczen, allen iren frumen damit ze schaffen, verchauffen, verseczzen vnd geben, wem er well an all i^errung. Es geuiel auch mit vrag vnd mit recht, jch solt im der vorgeschoben rechten mein pehab prief geben. Daz han ich allez volpracht. Mit vrchu^end dicz priefs versigelt mit des erbern hern jnsigel hern petreins di zeit cho^erherr vnd O^ebrister chelner vnser vraw^en gotshaws zu^e Newnbu^erg Klo^esterhalben, wann ich egenanter Niclas der Ru^etler nicht aigen jnsigel han vnd ich jn des vleizzig gepeten han, daz er der sach zeug sei mit seim jnsigel an meiner stat. auch ist der sach zeug mit seim jnsigel der erber man Seifrit der Stechk, wann er all zeit geding vnd pei dem rechten gewesen ist. Der prief ist geben noch christi gepu^erd drewczehen hundert jar, darnach jn dem Newn vnd Sibenczigsten jar des nachsten möntags nach dem auffert Tag.

Source Fulltext: OÖUB 9 (Wien 1906), S. 640-642