Wir Albrecht von Gotes gnaden Herczog ze O^estereich, zü Steyr ze Kernden vnd zü Krayn, Graf zü Tyrol zc. Tün chunt, daz wir vnserm lieben getrewen Ru^odolffen von Walsse vnserm Haubtmanne in Steyr verhaizzen vnd gelobt haben, vnd verhaissen auch bey vnsern gnaden wissentlich mit disem brief, Swas er vnd die seinen in vnserm dienst, den wir yeczund vnserm lieben bru^oder. . dem Kvnich von Ungern wider die Venedyer dicz gegenwurtigen Nevn vnd Sibenczigistes Jares tu^on, Redlicher vnd wissentlicher schaden nemend, daz wir Jn den widercheren sullen vnd wellen ane geuer, Mit vrchund dicz briefs, Geben ze Wienn an sand Vrbans tag. Nach krists geburde drew czehen hundert Jar, vnd darnach in dem Nevn vnd Sybenczigistem Jare. dns. dux p. se et R. de Wehing.

Source Fulltext: OÖUB 9 (Wien 1906), S. 644-645