Frater Bonauentura, miseracione diuina tituli Sancte Cecilie presbyter Cardinalis, in Regno Vngarie apostolice Sedis nuncius, Vniuersis Christi fidelibus, presentes litteras inspecturis, Salutem in domino Sempiternam. licet is de cuius munere uenit, ut sibi a suis fidelibus digne et laudabiliter seruiatur, de habundancia pietatis sue, que merita sujplicum excedit et vota beneseruientibus et multo maiora tribuat, quam ualeat promercari, Nichilominus tamen cupientes domino reddere populum acceptabilem, fideles christi ad complacendum ei, quasi quibusdam illectiuis premijs, Jndulgencijs scilicet et remissionibus inuitamus, ut exinde reddantur diuine gracie apciores, vt igitur parrochialis ecclesia sancti Egydii in Greyn, patauiensis diocesis, congruis honoribus frequentetur, omnibus christi fidelibus uere penitentibus, et confessis, qui dictam ecclesiam in festiuitatibus pasche, Ascensionis, pentecostes, Trinitatis, Corporis christi, beatorum petri et pauli, et omnium aliorum apostolorum et Euangelistarum, Johannis baptiste, Sancti Danielis, Jnuencionis et exaltacionis Sancte Crucis, Michaelis Archangeli, omnium Sanctorum, Sancte Caterine, Natalis domini, Circumcisionis, epiphanie, purificacionis, anunciacionis, asumpcionis (!), Natiuitatis et concepcionis beate Marie virginis, Sancti Nicholai, Vndecim milia virginum, Marie Magdalene, ac in octauis earundem festiuitatum, necnon et dedicacionis, Venerabiliter et deuote uisitauerint, manusque de bonis sibi a deo collatis porrexerint, ||
adiutrices, de omnipotentis dei misericordia, ac beatorum petri et pauli apostolorum eius auctoritate confisi, apostolica auctoritate nobis per sanctissimum patrem et dominum nostrum Vrbanum papam Sextum concessa vnnum(!) annum idulgenciarum de iniunctis eis penitencijs misericorditer in domino relaxamus. Jn cuius rei testimonium presentes litteras fieri et nostri Sigilli fecimus ajpensione muniri. Datum in noua Ciuitate Salzeburgensis diocesis die quarta Nouembris pontificatus domini Urbani pape Sexti Anno secundo.||
auf der blica: „A. de Portugr. Not."

Source Fulltext: OÖUB 9 (Wien 1906), S. 728-729