Wir Steffan Fridreich vnd Johanns gebrüder von gots gnaden pfallentzgrafen bey Rein vnd Herczogen in Bayrn zc. veriehen Bekennen vnd tun kunt offenlich mit dem brief, das wir durch frides vnd gemaches willen vnserr lannd vnd la^eut mit dem durchleuchtigen fürsten vnserm lieben Öheimen Albrechten von gotes gnaden Herczogen ze Österreich ze Steir ze kernden vnd ze krain Grafen ze Tirol zc. vberain komen sein, das sein land Österreich vnd das lannd ob der Enns vnd vnsre lannd ze Nidern payrn fridleich geneinander siczen sullen, also ob icht anfal von vnsern gemerkhen oder von den vnsern die in vnserm lannd zu Nidern payrn gesessen sind angeua^erd in sein lannd bescha^ehen, Si wa^eren gros oder klain das sein Haubtlew/at vnser Hawbtleu/at ze red seczen sullen, vnd so sullen dann vnser Hawbtleu/at schaffen vnd sehen das die sach ze stet widertan werde, Beschecht das nicht, so sol er das an vns oder an vnser ainen vordern, Vnd wir, oder an welhen er das geuordert hat sullen dann nicht lenger waigern, Sunder wir sullen es ze stet von aller vnserr hab wider tün, vnd sullen wir sein dann von den vnsern, die die anua^ell getan habent selber bekomen, wie wir mügen, Wa^er auch das wir wider den egenanten vnsern Öheim yemand dem wir verpunden wa^ern helfen wolten, das sullen wir tün mit volkh aus der geslossen, dem wir denn verpunden sein, also das das die egenanten vnsre lannd gerübt darunder geneinander siczen in dem Rechten als oben geschriben steet, Ob auch yemand der vnsern hincz dem egenanten vnserm Öheim oder hincz den seinen ichtes ze sprechen hiet, So sol der egenant vnser Öheim aus seinem Rat zwen daran geben vnd sol der klager auch zwen darzu nemen, die vier sullen das recht darumb sprechen bey irm ayde, vnd wa^eren sy daran nicht ainhellig, So sol der klager aus desselben vnsers Öheims Rat ainen obman nemen, vnd der sol denn auch bey seinem ayde das Recht darumb sprechen, vnd dabey sol es beleiben, Auch sullen vnd wellen wir nach des egenanten vnsers Öheims lannden noch geslossen, die Si yeczund besiczend oder die von Erbschaft oder gemechtnüss wegen durch recht an Jn geuallen sullen nicht stellen noch trachten wellen in dhainen weg. Gescha^ech auch das der egenante vnser Oheim dem Romischen kunig in sein Lannd zuge, So mugen wir dem kunig wol helfen, Also doch, das vnser egenante Land stille siczen geneinander als oben geschriben steet, Wurd aber der Römisch kunig dem egenanten vnserm Öheim in sein Lannd ziehen wider Recht, So sullen wir dem Ku^onig nichts geholffen sein, die obgeschriben pund geloben wir gen dem obgenanten vnserm Öheim von Österreich Also ze halden vnd ga^enczleich ze volfüren mit vnsern trewn vnd bey vnsern fürstlichen eren vnd darüber ze vrkund vnd sicherhait geben wit Jm disen brief mit vnsern anhangenden Jnsigeln versigelten, Der Geben ist ze Ried an sand kathrein tag Nach kristus gepurde drew zehenhundert Jar darnach in dem New/an vnd Sibenczigistem Jare.

Source Fulltext: OÖUB 9 (Wien 1906), S. 746-747