JCH Hans von Stvrmberch Vnd Jch Potenciana sein i Vnd alle vnser Erben Wir veriehen —, Daz wir dem herren hern Hertneid dem Jvngen von Pettaw Marschalch Steyer vnd allen seinen Erben — verchaufft haben dacz drey hu^eben gelegen vnd ze Nösdorff fvnff besezzen hu^eben dacz Sulcz drey o^ed hu^eben gelegen mit alle dem vnd geho^ert — vmb hvndert phunt gu^eter Greczer vnd phenning, der wir mit voller zal gar vnd genczleichen gericht vnd gewert sein. Auch svllen wir in dy gu^eter Jars vrist machen, swas aygen ist mit der erben gunst willen, das lehen ist, mit des Lehenherren hant, von dem die gu^eter ze lehen sint, mit aller stet, als si des pedurffen, — (Scherm vnd vertreten) — nach chaufrechts recht vnd nach Landes recht in Steyer. —. Vnd daz der Chawff also stet vnd vnczebrochen beleib, dar vber geben wir in den Brieff versigeltn mit meinem vorgenanten Hansen von Stvrmberch vnd mit mein Potenciane seiner wirtinn vnser payder anhangunden Jnsigeln versigelten Vnd durch merer vnd pessrer geczeugnus willen hab ich vorgenanter Hans gepeten mein liebn vettern Herman den Zebinger vnd ich egenante Potenciana mein liebn Ohaim Alochn den Halbnrainer, daz die ir Jnsigel zesampt den vnsern an den brief gehangen habent Jn vnd iren Erben an schaden zu vrchunt der warhait. Der brief ist geben nach Christes gepurd dreyczehen hundert iar, darnach in dem Newn vnd Sibenczigisten Jare am Erichtag vor sand Cholmans Tag.

Source Fulltext: OÖUB 9 (Wien 1906), S. 715-716