Ich Hanns der Chürbitzer vnd ich Margret sein Hausurow vnd all vnser Erben, Wir vergehen —, Daz wir — verchaufft vnd geben haben dem erbern Herren Hern Haydenreichen von Meichsaw obristem Schenkchen vnd zu den zeiten Lantmarschalich in Österreich vnd seinen Erben vnsers rechten Lehens, daz wir von Jm ze Lehen gehabt haben den Hamer in der Wiegleyten gelegen in Gerunger Pharr mit allen dem, daz dar czü gehöret, —, vmb zwelif phunt wienner phenning, der vns der vorgenant Her Haydenreich von Meichsaw gancz vnd gar gewert hat, —, Vnd sein auch wir desselben Hamers mit allen den nüczen vnd rechten, die dar czü gehörent, des egenanten Hern Haydenreichs von Meichsaw vnd seiner Erben Recht gewern vnd scherm fu^er alle ansprach als Lehens recht ist, vnd des Lanndes recht ze Österreich. —, Vnd daz der Chauf fürbaz also stat vnd vnzebrochen beleib, Darüber so geben wir Jn den brief ze einem warn vrkünd der Sach versigilten mit mein obgenanten Hannsen des Chürbitzer anhangundem insigil vnd mit Vlreichs insigil des Graw^esnikcher, den wir des Jnsigil Drew gepeten haben daz er der Sach gezewg ist mit seinem Jm an schaden. Der brief ist geben nach kristes gepürt tzehen hundert iar darnach in dem Newn vnd Sybenczgistem iar des nechsten Mantags nach sant Michels Tag.

Source Fulltext: OÖUB 9 (Wien 1906), S. 714-715