Wir Leupolt von Gots gnaden, Herczog ze Österrich, ze Steyr, ze Kernden vnd ze Krain, Graf ze Tyrol zc. Veriehen vnd tün kunt Offenlich mit disem brief, Vmb das Haus ze Purgstal, vnd das Gericht in Melten vnd was darczü gehört, die der erbern Kathrein von Greiffenstain vnsers getrewn Rüdleins des Laspergers elicher Wirtinn phand von vns sind, daz si die selben Sa^etz, mit vnserr Hand, gunst vnd gu^otem willen, dem vorgenanten irem Wirt, zu^e einem rechten gemecht gefügt vnd gemacht hat, vnbetwungenlich vnd von ir selber, daz sey ir Sweher, noch ir Swager nie darumb gebetten haben, Vnd bat vns dymütiklich vnd offenbar in gegenw/atikait erbarr Herren, Ritter vnd Knecht, Daz wir im den vorgenanten Satz geru^echten ze bestetten. Das haben wir getan vnd haben vnsern willen vnd gunst darczu^e gegeben vnd geben auch wizzentlich mit disem brief, Ob si vor Jm an Leiberben abgeet, daz dann die obgenanten Sa^etz sullen mit allen rechten, die si darauf hat erben vnd geuallen, auf den egenanten Lasperger irn wirt vnd auf sein erben. Doch also daz es vns vnd vnsern erben an der Losung, die wir darauf haben, kain schad sey an alles geuerd. Mit vrkund dicz briefs, Geben ze Wienn an Eritag vor sand Symons vnd sand Judas tag der Heiligen Zwelfbotten. Nach kristi gepu^ert Drutzehen hundert Jar, dar nach in dem Newn vnd Sibenczigistem Jare.

Source Fulltext: OÖUB 9 (Wien 1906), S. 722