Ich Peter der Angeruelder, vnd ich Anna sein Hausurow, vnd all vnser Erben, Wi^er vergehen — daz wir — verchaufft haben, von erst mit vnsers Lehen herren Hant des Hochgeporn fu^ersten Herczog Lewpolts, ze Österreich, ze Steyr, ze Kernden, vnd ze Chrain, Graf ze Tyrol zc. vnsers rechten Lehens, daz wir von Jm ze lehen gehabt haben, das emalen von den Grafen von Schaewnberch Lehen gewesen ist, vnsern Hof gelegen ze Sighartstorf, vnd Siben vnd dreizzig ieuch akchers, die darin geho^ernt, vnd einen pawngarten, vnd einen chrawtgarten, die auch in denselben Hof geho^ernt, vnd einen weingarten gelegen an dem Staynpuchel, vnd Nevn Emmer weins perchrechts gelegen an der Ru^eczenaw, vnd allez das das zu demselben perchrecht geho^eret, vnd zwelif schilling geltes gelegen daselbens ze Sighartstorf auf behaustem gu^et, vnd auf v^eberlent, daz alles in den vorgenanten Hof gehoret vnd alles das wismat vnd weydech velber vnd aw das wir daselbens ze Sighartstorf gehabt haben vnd besunderleich das weydech gelegen zwischen Sighartstorf vnd Eschpeinhofen auf der Tulln, daz Niclas des Pawrn von Weynczu^erl gewesen ist, vnd alles das daz zu dem vorgenanten Hof geho^eret, ze ueld vnd ze dorff, es sey gestifft, oder vngestifft, versu^echt oder vnuersu^echt, wie daz genant ist, Darnach — — mit Lehen herren Hant des erbern Herren Hern Chu^enrats von Potendorf — ein Lehen gelegen daselbs ze Sighartstorf vnd acht Jeuchart Akchers die in dasselb Lehen geho^ernt vnd ein weydech, das auch darin geho^eret — vmb Hundert phunt vnd vmb zwelif phunt wienner pfenning — — dem erbern Hannsen dem Sebekchen in der Leyten, vnd seinen||
erben — — vnd sein wir, ich Peter der Angeruelder vnd ich Anna sein Hausurow — des vorgenanten Hofs vnd der vorgeschriben Gu^eter — — des egenanten Hannsen des Sebekchen vnd seiner erben, Recht gewern vnd scherm — —, Vnd das der Chauf fu^erbas also stet vnd vnczebrochen beleib, Darumb so geben wir dem vorgenanten Hannsen dem Sebekchen vnd seinen erben den brief zu einem warn vrkund der sach versigilten mit mein obgenant Petreins insigil des Angeruelder vnd mit des erbern Otten insigil des Grabner, Vnd mit Hern Jannsen insigil an dem Chien markcht zu den zeiten Purgermaister ze Wien, Vnd mit Fridreichs insigil des Hofmeisters in dem Cho^etweiger Hof ze Wien mein egenanten Petreins Ohem — Der brif ist geben nach Kristes gepürt 1380sten. iar des Svntags ze Mittervasten.

Source Fulltext: OÖUB 9 (Wien 1906), S. 811-812