Wir Meinhart, phalczgraf ze Kernden, Graf ze Go^ercz vnd ze Tyrol etc., vogt der Gotshewser ze Agley, ze Trynt vnd ze Brischsen, bechennen —, als her Ott der walder von vns etlich Czehenten ze lehen gehabt hat, die in Österreich gelegen sind. vnd die an vnser hant, willen vnd wart verchauft vnd genidert hat, als vns anchomen ist, die vns von vnserm mane ledig gesprochen sind, haben wir die selben Czehenten dem Edlen herrn Stephan von Hohenberch, seinen prüdern vnd iren Erben ze rechtem lehen verlihen, yder mans rechten ze behalten —, nach Landes vnd Lehens recht in Österreich. Mit vrchund dicz priefs versigelt mit vnserm anhangndem Jnsigel. Geben ze Lüncz am Eritag an sand Jacobs abend. Nach Christs gebürd Drewczehen Hundert Jar, dar nach in dem Achczichisten Jar.

Source Fulltext: OÖUB 9 (Wien 1906), S. 873