Wir Graf Hainreich von Holczen (sic) vnd all vnser Erben vergehen mit dem offen brif vnd tu^en chu^ont, das wir dye Edeln Hern Hawgen von Dybein vnd Herren Ru^odolf von Waltse, ir wirttinn vnd all ir Erbn, für vns ze pu^ergen gescholen vnd ganczen geweren versatzt haben hintz Chatschim dem Juden ze Cilj, hintz seiner wirtin vnd hintz allen iren Erben vmb drew Hundert gu^etter gu^oldein vnd vmb Sibenczig gu^oter gu^olden, die all ir gu^ot Wag habent, vnd su^ollen Si dauon gancz vnd gar nemen ledigen vnd lösen, an allen iren schaden vnd an all ir mu^e vmb erchen vnd vmb scheden, vnd sullen das tu^on so man die vi^er tag in der vasten geuast hat, schirist chümftig. Tet wir des nicht, welchen schaden Si des nemen den ir ains pei sein trewn gesagen mag an ayd, an tayding, vnd an all ander pewerung, den sullen wir in gar vnd genczlich gelten vnd ab legen mit sambt dem erchen, das sullen Si haben auf vns zu^o vnsern trewn vnd auf alle dew vnd wir haben, Wolt wir Si dann nicht wern, So sol Si der Lands Herr oder wer an seiner stat ist, gancz vnd gar richten vnd wern erchens vnd schadens von aller vnser Hab mit vnserm gutem willen, Das in das allez stet vnd vnezebrochen peleib, darüber geben wir in den offen prif versigelten mit vnsers vorgenanten Graf Hainrich von Holczen aygem anhangunden Jnsigel. Geben am Eritag vor gotsleichnamstag nach Christes gepurd drewczehen Hundert Jare, darnach in dem Achczigistem Jare.

Source Fulltext: OÖUB 9 (Wien 1906), S. 855-856