Wir Stephan, wir Fridreich und wir Johanns gebrüder wir von Gotes genaden VIreich pfallenczgrafen bey Rein vnd herczogen in Beyern bechennen vnd tun chunt offenlichen mit dem briefe fur vns all vnser erben vnd nachkomen, als vns di edln wolgeborn fürsten||
graf Heinreich von Schawnberg herren berg der elter, graf Heinreich Fridreichen vnd graf Vlreich gebrüder, desselben graf Heinreich des pfallenczgrafen eitern sün, vnser lieb getrewen, herczogen in etc. geweist gemont vnd an vns bracht habent von wegen ain buntnüsse, di der hochgeborn fürste vnser lieber herr vnd vater herczog Stephan saliger vnd sälig wir mit dem edln wolgeborn habend mit graf Vlrichen von Schawnberg vnserm lieben bruder vnd berg säligen irm bruder vnd vettern graf Vlreichen von vettern haben vnd mit desseleben Schawnberg säligen seinen graf Vlreichs säligen erben vnd nachkomen nach der brief sag, di sy darumbe gen einander geben haben, derselben bunntnusse wir ettwielang nicht andächtig vnd vns nicht chundig gewesen ist, vnd haben diselben buntnusse genewet vnd newen di auch mit chraft dicz gegenwurttigen briefs mit wolbedachtem mut mit rechter wissen vnd nach vnsers rates rat, also das wir vns ewichlichen verpunden haben vnd auch verpinden mit dem brife zu dem obgenanten graf Heinreichen von Schawnberg dem eitern zu hern graf Heinreichen vnd zu graf Fridreichen Vlreichen seinen sünen pfallenczgrafen by Rein vnd herczogen nachkomen mit vnsern landen leuten aller vnserr macht vnd herschefften, di wir iczo haben oder fürbas gewinnen.||
wider aller männichlichen, wie der genant oder gehaisst ist also ob si jmant nu fürbas angreiffen laidigen oder beswärn wollt an iren vesten freyhaiten leuten oder guten, das wir sy darinne beschirm vnd beholffen sullen vnd wellen sein, als offt vnd wie dikch in des not beschiecht mit allen vnsern landen leuten helffern gunnern vnd auch mit aller vnser macht trewlichen an alles geuärde vnd als sy sich zu vns vnd vnsern landen gezogen vnd verpunden habend. Wir nemen auch in der oben genanten bunntnusse aws: ||
bey dem ersten das heilig Romisch reich, darnach den allerdurchleuchtigen hochgeborn ||
lantgrafen fürsten vnsern lieben hern vnd bruder hern Ludweigen swäger, di chunig zu Vngern etc. vnd darnach auch all herrn vnd fürsten von Reyn, gen den allen sullen wir vnser erben vnd nachkomen den egenanten graf Heinreichen von Schawnberg dem eltern vnd||
graf Heinreichen vnd auch graf Vlrichen gebrüdern von Schawnberg seinen sunen noch allen iren erben noch nachkomen nichts schuldig noch gepunden sein in dhein weis.||
Wir geloben auch die voruerschriben pünde vnd artickel, als sy an dem brief von wort zu wort verschriben stent genczlichen stät zu halden vnd zu volfürn, als wir das zu baiderseitten an aides stat gen einander verbriefet haben. Vnd des zu warn vrchunt vnd sicherhait geben wir den oftgenanten von Schawnberg irn erben vnd nachkomen den brief versigelt mit vnser aller dreyen anhangenden insigeln. Geben zu Landczhut an dem nächsten Mitwochen nach dem Suntag, als man singet Reminissere in der Vasten, nach Christi geburtt drewczehen hundert jar vnd darnach in dem zway vnd achczigisten jare.

Source Fulltext: OÖUB 10 (Wien 1933), S. 94-97