Wir Albrecht von Gotes gnaden herczog ze Österreich ze Steyr ze Kernden vnd ze Krain graf ze Tyrol etc. embieten vnserm getrewn Walthern von Seusenegg, purggrafen ze Steyr, vnser gnad vnd alles gut. Wir emphelhen dir vnd mainen gar ernstlich, daz du schaffest mit den Volkestorffern vnd mit allen andern, die es anget, daz si chainen erich slahen noch machen in der Ens, vnd welich es aber darüber teten, daz du es dann von vnsern wegen werest vnd si auf der stat niderbrechest, wan wir mit namen mainen vnd wellen, daz chain erich in der Ens sey. Tetest du aber des nicht vnd es nicht wertest, daran tetest du gar swerlich wider vns. Geben ze Ens vnder vnserm petschat an Eritag vor sand Giligen tag, anno etc. LXXXII.||
Dominus dux per se.

Source Fulltext: OÖUB 10 (Wien 1933), S. 125