Wir Albrecht von Gots gnaden herczog ze Österreich ze Steyr ze Kernden vnd ze Krain graf ze Tyrol etc. tun chunt, daz vnser getrewr lieber Peter von Losenstain vnserm getrewn lieben Hertneiden von Losenstain seinem vettern mit vnser hant gunst vnd vnserm guten willen gemachet vnd gefüget hat, seinen tail der vesten ze Losenstain mit irer zugehörung, die von vns ze lehen ist vnd all ander gut, die er von vns ze lehen hat, also: Ist, daz der vorgenant Peter von Losenstain an leiberben abget vnd erstirbet, daz danne die vorgenanten gut alle auf den egenanten Hertneiden von Losenstain vnd auf sein erben geuallen vnd erben sullen, als lehens gemechts vnd landes recht ist. Mit vrchund dicz briefs geben ze Steyr an sand Johans tag ze Weichnachten nach Christs geburd dreuczehenhundert iar darnach in dem zwain vnd achczigistem iare. Dominus dux per se.

Source Fulltext: OÖUB 10 (Wien 1933),S. 147-148