Wir Albrecht von Gots gnaden herczog ze Österreich ze Steyr ze Kernden vnd ze Krain graf ze Tyrol etc. tun chunt, daz vnser getrewr lieber Hertneid von Losenstain vnserm getrewn lieber Petern von Losenstain seinem vettern mit unser hant gunst vnd guten willen gemachet vnd gefüget hat seinen tail der vesten ze Losenstain mit irer zugehörung, die von vns ze lehen ist, vnd alle andere gut, die er von vns ze lehen hat, also: Ist daz der vorgenant Hertneid von Losenstain an leiberben abget vnd erstirbet, daz danne die vorgenanten gut alle auf den egenanten Petern von Losenstain seinen vettern vnd auf sein erben geuallen vnd erben sullen, als lehens gemechts vnd landes recht ist. Mit vrchund dicz briefs geben ze Steyr an sand Johanstag ze Weichnachten nach Christs geburd dreuczehenhundert iar darnach in dem zwain vnd achczigistem iare.||
Dominus dux.

Source Fulltext: OÖUB 10 (Wien 1933), S. 147