Wir Albrecht von Gots gnaden herczog ze Österreich ze Steyr ze Kernden vnd ze Krayn graf ze Tyrol etc. tun chunt, daz wir vnserm getrewen lieben Reynprechten von Walsse haubtmann ob der Ens gelübt vnd versprochen haben, geloben vnd versprechen auch wizzentleich, ob das geschech, daz er abgieng vnd von diser welt verschied, ee vnd wir vnser vesten vnd herschaft ze Newmburg auf dem In Valkenstayn vnd ander ir zugehörung von im erlösten vnd er denselben sacz fürbaz seinen freunten oder yemand anderm ainem der vnsern, der in vnserm land gesezzen wer, verschüffe saczte oder vermachete, vnd der oder die ir gelt für denselben sacz haben wolten vnd vns darumb ermanten, daz wir denn von dem oder den die obgenanten vnser vesten vnd gesloz lösen sullen inner ainem virtail ains iares, vnd das an vns geuordert wirt. Mit vrkund dicz briefs geben ze Wienn an Mentag vor sand Matheus tag des heiligen zwelifboten vnd ewangelisten nach Kristes geburd dreuczehenhundert iar darnach in dem vier vnd achczigisten iare.||
Dominus dux.

Source Fulltext: OÖUB 10 (Wien 1933), S. 278-279