Wir Fridreich von Gotes genaden pfallencz grafe bei Rein vnd herczog in Beyern etc. bechennen und tun chund of fenleich mit dem brief, das wir den ersamen weisen läwten den burgern zu Ried di genad getan haben und auch tun mit dem brief, also wir mainen und wellen, wer markchtrichter oder gerichtschreiber zu Ried ist, das der auch schenkchen sol in dem markgt zu Ried, und gebieten allen unsern amptläuten, di wir iczo haben oder fürbas gewinnen, daz ir sy bey den obgenanten genaden beleiben lasst, und sy darzue schirmt, das ist genczleich unser will und wort. Und der zu urchund geben wir in den brief versigelten mit unserm anhangundem jnsigel zu Öting, da man zalt nach Christi gepurtt dreuzehen hundert jare, und darnach in dem vier und achczigistem an aller Heiligen abend.

Source Fulltext: OÖUB 10 (Wien 1933), S. 286-287