Ich Hans von Volkchenstorff vergich vnd tun chunt mit offen brief allen den, die den brief sehent vnd hörent lesen, daz mir her Ewerhart von Kappelln haubtman ze Ens geben||
vnd geantwurtt hat den saczbrief, den her Ewerhart seliger von Kappelln sein vetter meinem vatter selig hern Otten von Volkchenstorff geben hat vber dreyzzikch phunt geltes in Pabennewnchircher ampt für drew hundert phunt phening, vnd hat auch denselben sacz vnd brief von mir geledigt vnd gelöst vnd die drew hundert phunt phening gericht vnd gewert vnd schol auch er vnd sein eriben hinfür von mir vnd meinen eriben beruebt vnd an zuespruch von des egenanten briefs wegen beleiben, vnd gib auch in des den brief versiglt mit meinem anhangvndem insigl. Des ist geczeug mein diener Lachffelder^a) mit seinem anhangunden insigl im vnd seinen eriben an schaden. Geben do man zalt von nach Christes gepurde drewczehen hundert jar vnd darnach in dem fumf vnd achczigistem iar an sand Vlrichs tag.

Source Fulltext: OÖUB 10 (Wien 1933), S. 330-331