Wir Albrecht von Gottes genaden hertzog zu Österreich zu Steyr zu Kärndten vnd zu Crain, graue zu Tyrol etc. empieten vnnserm getrewen lieben Reinprechten von Walsee vnnserm hauptman ob der Enns vnnser gnad vnnd alles guet. Wir empfelhen dir ernstlich vnnd wellen, das du vnnser getrewen die burger gemainigclich von Welß noch jr holden kainen herrn geistlichen noch weltlichen von den güettern, die sy von jn zu lehen habent, nicht steurn lassest in kain weiß, wann sy vnns all jr hab selber jarlich versteurent, vnnd ob sie von solher steur wegen jemant beschweren wolt, das du jn des vor seiest von vnnsern wegen, damit sie bleiben, als sie herkomen sindt. Das ist gentzlich vnnser mainung. Geben zu Wienn am Montag nach dem Suntag Reminiscere anno etc. nonagesimo primo.

Source Fulltext: OÖUB 11 (Wien 1983), S. 17