Vnsern dinst vor, wisset herr von Zelking, von der anuell entwertung vnd vbelhandlung wegen, so ir vnserm menigen tut an schuld vnd vnuerdinet, seyn wir all vnuerschaidenleich arm vnd reich vberain warden, daz wir daz von ewch nicht lenger auf nemen mugen vnd maynen, vns des miteinander vnuerschaidenleich zu erchlagen vnserm herren dem herczogen vnd vnsrer frawn der herczoginn, vnd wollen vns auch wir all, die von ew ze lehen habent, mit dem brief gen ew bewaret haben vmb die chlag, daz vns die an vnsern lehen nicht schade, wann es vnser grozze notdurfft ist vnd hieten doch allzeit gern getan, waz ew lieb gewesen wer, daz chan vns gen ewch nichts ausgetragen. Geben am nächsten Phincztag nach dem Weinachttag. Anno domini etc. LXXXXIIIto.||
Richter rat vnd die purger gemainklich zu der Freinstat.

Source Fulltext: OÖUB 11 (Wien 1983), S. 141