Ich Gorig der Tumair phleger ze Obernperig vergich offenleich mit dem brief, das ich dem hochgeporen fürsten vnd meinem genädigen herren hern Stephan phalczgraffen bey Rein vnd herczog in Bayren vnd wer mit ym fert vnd auch dem hochwürdigen fürstein hern Byligreim bischoff ze Salczburkch vnd auch wer mit im fert, ein trews sichers gelait gib mit chraft dez briefs für den hochgeporn fürsten meinen genädigen herren hern Iohansen hern zw Abensperch vnd auch für mich vnd für alle die, der ich waltig pin von der phleg wegen zw Obernperig, hin ab vnd auch hinwider haim an ir gewar yetzund daz gefert auf wasser vnd auf land trewleich an allez gewär. Mit vrchund dez briefs, den ich gib mit meinem aufgedrukchten insigel besigelt, geben des nagsten Sampcztagks nach sand Gallentag anno etc. nonagesimo quarto.

Source Fulltext: OÖUB 11 (Wien 1983), S 334