Wir Albrecht von Gotes gnaden herczog ze Österreich ze Steyr ze Kerndten vnd ze Krain graf ze Tyrol bechennen, daz vnser getrewr Niclas der Enstaler vnd Elspeth sein hausfraw mit vnsrer hand gunst vnd gutem willen vnserm getrewen Hansen dem Seybranten vnserm purger ze Wels versaczt habend vierdhalb zehent häwser gelegen ze Pendenstorff in Swannser pfarr, die von vns ze lehen sind, also daz der egenant Hans Seybrant vnd sein hausfraw vnd ir paider erben den vorgenanten zehent mit aller seiner zugehörung nu fürbasser von vns vnd vnsern erben in saczes weis ynne haben und niessen sullen, als saczes lehens vnd landes recht ist, doch vns vnd denselben vnsern erben vnschedleich an der lehenschaft. Mit vrchund dicz briefs geben ze Wienn an Samztag nach sand Peters vnd sand Paulstag der heiligen zwelffpotten nach Kristes gepurde drewczehen hundert jar vnd darnach in dem sibenvndneunczigisten jare.||
Dominus dux per Paulum.

Source Fulltext: OÖUB 11 (Wien 1983), S. 622-623