Wir Wilhalm und Albrecht vettern von Gots gnaden herczogen ze Österreich ze Steyr ze Kernden und zu Krain grafen ze Tyrol etc. embieten vnsern getrewen dem richter dem rat vnd den burgern gemainelich zu der Freynstat vnser gnad vnd alles gut. Als der erwirdig vnser besunder lieber freund her Gregori erczbischof ze Salczburg vnd wir yeczundt hie beyeinander gewesen sein, haben wir vernommen von demselben von Salczburg vnd den seinen, wie daz ir meniger strazz enhalb der Thunaw niderlegt, dahin das Hellisch salcz gen sol, emphelhen wir ew vnd wollen ernstlich, daz ir dasselb salz an all irrung geen lasset, als von alter herkomen ist. Wan wir das ernstlich mainen. Geben ze Lewben an Samcztag vor sand Agnesentag anno etc. LXXXXVIII°.||
Domini duces per consilium.

Source Fulltext: OÖUB 11 (Wien 1983), S. 673