Reverendo^a) in Christo patri ac domino domino Dei et apostolice sedis gracia archiepiscopo Saltzeburgensi ipsiusque vicariis officialibus et commissariis ac ceteris iudicibus et consultoribus per ciuitatem et diocesim Saltzeburgensem ac alias vbilibet constitutis et tibi Engelmaro officiali Saltzeburgensi omnibusque aliis et singulis, quorum interest aut interesse poterit quomodolibet in futurum coniunctim seu diuisim, Nicolaus de Borellis electus Agrigentinus sacri palacii apostolici causarum et cause ac partibus infrascriptis a domino nostro papa auditor specialiter deputatus salutem in Domino et mandatis nostris ymmo verius apostolicis firmiter obedire. Noueritis, quod nuper sanctissimus in Christo pater et dominus dominus noster Bonifacius diuina prouidencia papa^b) nonus quandam commissionis siue supplicacionis cedulam nobis per certum suum cursorem presentari fecit, quam nos cum ea, qua decuit, reuerencia recepisse noueritis, tenorem qui sequitur continentem:||
Dignetur sanctitas vestra causam et causas, que uertitur uertuntur seu uerti et esse sperantur inter reuerendum patrem et dominum Johannem abbatem et conuentum in Paumgartenberg Cisterciensis ordinis Patauiensis diooesis et eis adherentes ex una et reuerendum patrem dominum Georgium episcopum Patauiensem de et super quodam pretenso subsidio caritatiuo occasione cuiusdam^c) pretense apostolice gracie seu litterarum apostolicarum pretensarum, ut dicitur, dicto domino episcopo concesso ex causa necnon nullitatis iniquitatis et iniusticie tam processus quam pretensarum sententiarum excommunicationum [et] aliarum censurarum per dominum Engelmarum officialem Saltzeburgensem occasione premissorum, ut dicitur, fulminatorum et emissorum, necnon causam et causas, quas mouent et mouere intendunt contra et aduersus dictum Engelmarum, Thomam plebanum in Libera Ciuitate dictum^d) de Saraw, Marquardum plebanum in Kremsa^e) , Johannem de Sancto Petro vicarium in Anaso^f) , Stephanum decanum in Salleimkirgen, decanum in Stayn dicte diocesis omnesque alios et singulos sua interesse communiter uel diuisim putantes de et super nonnullis dampnis expensis et inuicem in executionem dictorum pretensorum processuum eisdem illatis et eorum occasione partibus ex altera committere alicui ex venerabilibus viris apostolici palacii causarum auditoribus coniunctimet diuisim audiendas decidendas et fine debito terminandas, cum omnibus et singulis emergenciis dependenciis incidenciis et connexis cum potestate citandi dictum dominum episcopum et alios eciam per edictum supradictos, cum ad eos non sit tutus accessus uel saltim^g) maliciose impedirent, ne citacio huiusmodi ad eosdem perueniret, ac abso1uendum eosdem abbatem et conuentum a dictis excommunicationum et aliis censuris huiusmodi simpliciter et ad cautelam tociens, quociens expediens fuerit, non obstante, si causa et cause huiusmodi non sint ad Romanam curiam legitime^h) deuolute neque in ea de iuris necessitate tractande seu eciam finiende tenore dictorum processuum ac statuum controuersie huiusmodi habencium pro expresso in contrarium editis ac facientibus non obstantibus quibuscumque. In fine vero dicte commissionis siue supplicacionis cedule scripta erant de alia manu et litteraⁱ⁾ superiori littere ipsius cedule penitus et omnino dissimuli et diuersa hec uerba uidelicet: De mandato domini nostri pape audiat dominus Nicolaus electus Agrigentinus, citet ut petitur et per edictum facta informacione absoluat, si et prout de iure, et iusticiam faciat.||
Cuius quidem commissionis siue supplicacionis cedu1e^k) vigore^k) et postquam citacio extra Romanam curiam et ad partes in forma solita et consueta decreta extiterat, fuimus per prouidum virum magistrum Rotgerum Balhorn in Romana curia et dictorum dominorum Johannis abbatis et conuentus principalium in prescripta commissionis siue supplicacionis cedula principaliter nominatorum procuratorem substitutum per reuerendum et religiosum virum fratrem Euerhardum theologie doctorem professum in Pomuck dicti Cisterciensis ordinis Pragensis diocesis procuratorem generalem et procuratorio nomine, prout de ipsorum procuracionis et^l) substitucionis mandato nobis legittima extitit facta fides, coram nobis constitutum cum instantia debita requisiti, quatinus vobis, domino archiepiscopo Saltzeburgensi vestrisque officialibus et commissariis et etiam tibi Engelmaro ex aduerso de principalibus omnibusque aliis et singulis, quorum interest aut interesse poterit quomodolibet in futurum, supradicta inhibere et litteras inhibitionis ad partes in forma solita et consueta decernere et concedere dignaremur. Nos igitur Nicolaus de Boreliis electus Agrigentinus auditor prefatus volentes in causa et causis huiusmodi rite et legittime procedere ac partibus iusticiam ministrare, ut tenemur, in causa et causis huiusmodi post dicte citacionis execucionem duximus inhibendum et inhibemus, ne vos, reuerende pater et domine archiepiscope^m) , officiales et commissarii ac tu Engelmare siue aliquis vestrum predictorum lite et causa huiusmodi pendentibus coram nobis indecisis quouismodo publice uel occulte directe uel indirecte per vos uel submissam personam in vilipendium jurisdictionis nostre ac preiudicium seu detrimentum prefatorum dominorum Johannis abbatis et conuentus principalium, ut ipsi domini Johannes abbas et conuentus viceuersa, in causa huiusmodi quidquam attemptare seu innouare presumat seu presumant. Quodsi secus factum fuerit, ad totum reuocare et ad statum pristinum reducere curabimus iusticia mediante. Que omnia et singula supradicta vobis omnibus et singulis suprascriptis tenore presencium intimamus notificamus insinuamus et ad vestram et cuiuslibet vestrumⁿ⁾ noticiam deducimus et deduci uolumus per presentes, ne de premissis ignoranciam aliquam allegare valeatis.||
In quorum omnium et singulorum fidem et testimonium premissorum presentes nostre inhibicionis litteras seu presens publicum instrumentum ipsam nostram inhibicionem in se continentes seu continens exinde fieri et per Gotfridum notarium publicum nostrumque et huiusmodi cause coram nobis scribam infrascriptum subscribi et publicari mandauimus nostrique sigilli fecimus appensione communiri. Datum et actum Rome in domo habitacionis nostre sub anno a natiuitate Domini millesimo trecentesimo nonagesimo nono, indiccione septima, die lune decimaseptima mensis Marcii, hora completorii uel quasi, pontificatus sanctissimi in Christo patris et domini nostri domini Bonifacii diuina prouidencia pape noni anno decimo presentibus ibidem honorabilibus et discretis viris Nicoiao Bergo de Budissin clerico et Petro Mul laico Misnensis et Coloniensis diocesium testibus.ad premissa vocatis specialiter et rogatis.||
Et ego Gotfridus Stoter de Plectenberg clericus Coloniensis diocesis publicus apostolica auctoritate notarius ac reuerendi patris et domini Nicolai de Borellis electi Agrigentini sacrique palacii apostolici causarum auditoris prefati huiusmodique cause coram eo scriba, predictis inhibicioni peticioni eiusque decreto omnibusque aliis et singulis, dum sic^o) , ut premittitur, per dictum dominum electum et auditorem et coram eo fierent et agerentur, vnacum prenominatis^p) testibus presens interfui eaque omnia et singula sic fieri uidi et audiui. Ideo hoc presens publicum instrumentum dictam inhibicionem in se continens per^qu) alium me aliis prepedito negociis fideliter scriptum exinde confeci et in hanc publicam formam redegi meaque^r) manu propria subscripsi signoque et nomine meis solitis et consuetis vnacum dicti domini electi et auditoris sigilli appensione signaui rogatus et requisitus in fidem et testimonium omnium et singulorum premissorum.

Source Fulltext: OÖUB 11 (Wien 1983), S. 799-803