Wir Albrecht von Gotes gnaden herczog ze Österreich ze Steyr ze Kärnden vnd ze Krain, graue ze Tirol etc. embieten vnsern getrewn lieben allen vnsern herren rittern und knechten phlegern burggrauen richtern mauttern vnd andern amptleuten, vnsern vndertanen vnd getrewen, die vrfar auf der Tunaw haben, wie die genant sein, den dieser brief geczaigt wird, vnser gnad vnd alles guet. Wir gepieten ew ernstleich vnd wellen, daz ir vnser getrewn die burger gemainleich von Grein mit irer schiffung vnd arbait auf der Tunaw beleiben lasset bei iren rechten vnd guten gewonhaiten, als sy von alter herkomen sind, vnd sy dawider nicht notet noch besweret in dhainen weg, wan wir das gar ernstleich mainen. Wer es aber daruber tet, der tet wider vns. Geben ze Wienn an Mitichen nach Goczleichnamstag anno domini MCCC nonagesimo nono.||
Dominus dux per dominum Fridericum de Gors.||

Source Fulltext: OÖUB 11 (Wien 1983), S. 833