Wier Albrecht von Gottes genaden herczog ze Österreich ze Steyer ze Khärndten und ze Crain graue zu Tyroll empieten vnsern lieben getreyen Hannsen von Stubenberg vnserm pfleger ze Werfenstain vnser genad vnd alles guets. Vns ist fürkomen, wie mann vnsern leiten von Grein infehl und beschwärung tuet vnd man fluder über ihren willen auf dem wasser an etlichen stetten, da mann vorhin nit gefludert hab, des uns umbillig dunket und nit gefehlt. Darum empfehlen wir dir ernstlichen und wöllen, wo mann also fluder oder neuerung mache, das wider dieselben unsere leit zu Grein sey, das du das vleizig^a) wörest und understehest und die egenanter unser solch leit von Grein vestiglichen bei ihren gewohnhaiten vnd alten rechten haltest von unsern wegen. Das ist gänzlich unser maynung. Geben zu Wienn am Mittichen nach sand Petronellentag anno Domini millesimo tricentesimo nonagesimo nono.

Source Fulltext: OÖUB 11 (Wien 1983), S. 831