Nos frater Petrus de Veteri Privata dei gracia sancte domus hospitalis Ierusalem magister1 humilis et pauperum Christi custos et conventus eiusdem domus, notum facimus tam presentibus quam futuris, quod talis convencio sive paccio intervenit inter nos ex una parte et fratrem Gerardum de Malberch, mariscalcum domus Theutonicorum, locum magistri tenentem, et conventum eiusdem domus ex altera, videlicet quod ipsi annuatim tenentur nobis dare redditus sive proventus quarte partis casalis, quod dicitur Arabia, cum perti- nenciis suis; et ipsi fratres Theutonicorum ponent ibi baiulum aliquem de fra- tribus suis, cui coram preceptore hospitalis sancti Iohannis iniungetur et di

stricte precipietur a magistro Theutonicorum sive ab alio, qui fuerit loco sui, quod idem baiulus bona fide et sine fraude et vicio aliquo debeat reddere red- ditus sive proventus quarte partis casalis Arabie cum pertinenciis suis magistro et fratribus hospitalis sancti Iohannis. Et idem baiulus de comunibus reddi- tibus casalis et pertinenciis predictis retinebit sibi expensas moderatas et ne- cessarias; et tam diu magister et fratres hospitalis sancti Iohannis percipient redditus quarte partis casalis Arabie cum pertinenciis suis, donec satisfactum fuerit hospitali sancti Iohannis de quinque milibus bisantiorum, pro quibus ipsum casale cum pertinenciis suis est penes magistrum et fratres hospitalis sancti Iohannis pignori obligatum. Et si aliqua sive secularis sive ecclesiastica persona vel quicumque alius fuerit, qui moveret questionem contra fratres do- mus Teutonicorum vel violenciam inferret eisdem de casali predicto et eius pertinenciis, magister et fratres hospitalis sancti Iohannis quantum de iure poterunt assistent fratribus Theutonicis et exibebunt eis secundum iusticiam eorum suffragium et iuvamen sicuti de sua gaggeria, quousque sibi fuerit satis- factum. Et cum magister et fratres predicti hospitalis sancti Iohannis perce- perint quinque milia bisantiorum de redditibus supradictis, nullum ius ulterius pro dictis v milibus bisanciorum in dicto casali vendicabunt et dimittent ipsum quiete et pacifice fratribus Theutonicis possidere, et privilegium sive rationes, quod sive quas habent de predictis bisanciis, cum fuerit eis integre satisfactum, restituent fratribus Theutonicorum. Et si casu contingeret, quod dictum pri- vilegium amitteretur infra tempus predictum, talem fratribus Theutonicorum facient caucionem, quod illud privilegium sive aliud, quodcunque repperietur de bisanciis antedictis, sint cassa, inutilia et inania et nullas vires in iudicio sive extra iudicium habebunt. Et, si evenerit, quod absit, quod dictum casale occupatum esset a Sarracenis, fratres Theutonicorum in nullo tenebuntur fra- tribus hospitalis sancti lohannis, quamdiu a Sarracenis detinebitur occupatum. Et, si contingeret idem casale post longum vel breve tempus vel quandocunque redire ad manus fratrum Theutonicorum, dicta paccio seu convencio in suo vi- gore debeat remanere. Et, si contingeret, quod magistro et fratribus hospitalis sancti Iohannis infra tempus predictum esset de predictis bisanciis satisfactum sive in parte sive in toto, fratres Theutonicorum super predictis ulterius non molestabunt. Et ad maioris roboris firmitatem presentes litteras sigilli nostri munimine fecimus roborari. Acta sunt hec in domo hospitalis sancti Iohannis anno domini m° ce° xl° indictione xii°8 coram talibus3: fratre Guillelmo Silva- nectensi, magno preceptore domus hospitalis sancti Iohannis; fratre Arnaldo de Monte Bruno; fratre Geraudo, preceptore domus hospitalis in Ioppen; fratre Guillelmo de Correllis; fratre Gaufrido Baucitensi; fratre Odone de Ermene. De fratribus Theutonicorum interfuerunt isti: frater Everardus, sacerdos; frater Conradus, castellanus Montisfortis; frater Petrus, drapperius; frater Evrardus, thesaurarius.

I, 31 v. n. 71. 1. Hunc (Petrum de Villebrida) Seb. Pauli I, 342. 1241 demum electum esse contendit. Diploma forsan pertinet ad 1241 ineuntem annum. 2. pro xiii. 3. 1. testibus?