[I]n nomine Patris et Filii et Spiritus Sancti. Amen. Cum universa, que fieri solent, fiant sub cursu temporis, ne currant cum tempore ita, ut ad oblivionem transeant, expedit ea scriptis et testibus memorie hominuma commendare. Clareat igitur noticie cunctorum Christi fidelium tam presentium quam futurorum, quod nos Vo  lricus et conventus sancti Nicolay Patau[ie] de communi consensu in campo, quem habuimus supra fontem sancti Jacobi tresb ortos concessimus Hæinricoc, qui dicitur Wischelinch et uxori sue Rihzed iure, quod dicitur vulgo libkedinge, ut de hisdem ortis solvat nobis annuatim in festo sancti Martini XII solidos Pataviensis monete aput nos tunc dative, censum eundem ad claustrum nostrum vel per se vel per suos nuncios assignantes. Quod si neglexerint pena XIIcim denariorum, quam ipsi statuerunt, per singulas ebdomadas crescentee et donec censum cum pena solverint, puniantur, et postquam pena in summam census creverit, quod fit post X ebdomadas, contumaces pro culpa contumatie cadant penitus a suo iure. Statuimus etiamf eorundem consilio, ut ille, qui ius suum in orto vendit, etiam alter, qui emit, tam vendens quam emens uterque XV denarios solvat domino preposito, per cuius etiam manum debet eadem permutacio roborari. Item decrevimus, ut idem cum aliis, qui cilvilig vel eodem per nos gaudent iure, semel in anno veniant ad platitumh domini prepositi loco et die, quem suus nuncius aput claustrum vel civitatem eis prefiget, ut, siquid querele aut questionis pro terminis vel pro quocumque ad ipsum prepositum spectante inter eos ortum fuerit, ibi discussum per sentenciam civium et iudicio prepositi, ad quem hac ratione fundi pertinet, decidatur. Si qui vero ab eodem placito se per contumatiam absentarint, pena supra memorata, quam sustinere debent, qui negligunt censum tempore statuto solvere, ferianturi. Ut autem talis contractus ratus permaneat, duo paria in[strumenta] conscribi et sancti Nycolai sigillo fecimus communiri, uno penes nos reservato, ipsis reliquo assignato.

Testes vero huius contractus sunt de capitulo:

Vo  lricus prepositus,

Gerboto decanus,

Ekkardus,

Chunradus,

Rikerus,

Eberhardus,

Albertus,

Geroldus,

Gregorius,

Heinr[icus],

Hertwicus,

frater Hilprandus,

frater Reinoldus.

Heinr[icus] miles,

Waltherus,

Heinricus Slehto,

Fridericus de Obernperge,

Chuno,

Heinr[icus] Wiscilinch,

Vo  lricus,

Wolframmus,

Marquardus ortulani.

Actum aput sanctum Nycolaum Patau[ie] anno ab incarnatione domini MoCCoXXVIII, indictione prima.

b) Ex predicto campo et eodem iure et sub eisdem testibus, sicut predictum est, concessimus aliis, quorum nomina sunt hec: Chunoni et nepoti eius Chunoni duos ortos concessimus, Heinricoj et uxori eius Jute duos ortos, Vlrico et uxori eius Tute I ortum, Heinrico et uxori eius Chunigundi I ortum, Marquardo et uxori eius Leucardi II ortos, Wolframmo et uxori eius Ortrune II ortos, Fridrico balniatori et uxori eius Christine II ortosk unde solvunt nobis VII solidos.

c) Eodem modo etiam concessimus ortos in campo infra vallim et eo iure, unum Heinrico de Rocholvinge et uxori sue Jevte, Levtwino et uxori sue Alheidi, unum Gebhardo et uxori sue Geppe, qui solvit tres solidos, unum Sibotoni svnculario et uxori sue Mæhthidi, qui solvit tres solidos.