Vl[ricus] divina misericordia prepositus sancti Nycolai Patav[ie] et conventus universis fidelibus hanc paginam inspecturis salutem in eo, qui est omnium vera salus.

Sciant omnes Christi fideles tam presentes quam futuri, quod nobilis mulier domina Gerdrudis dicta de Lvterbrvnnen quoddam predium scilicet dimidiam hubam in eadem villa positam contulit ecclesie nostre tali condicione ut prebendam unius sororis et duos calceos, quamdiu viveret, a nobis percipiat annuatim. Et ut libera eiusdem predii collacio nobis et ecclesie nostre magis rata et stabilis in perpetuum permaneat, memorata domina procuravit ipsuma predium per quendam virum liberum Sifridum, in cuius manu delegacio talis predii fixa fuit, super altare sancti Nycolai nemini contradicente rite et legaliter delegari. Vt autem talis collacio sive delegacio memorie hominum forcius debeat adherere, scriptis conmendatam testimonio bonorum hominum, qui tunc presentes aderant, ipsam fecimus communiri.

De familia sancti Nycolai:

Heinricus miles,

Waltherus,

Heinricus Chreno,

Vlricus Wazo,

Pernhardus frater eius,

Fridericus,

Heinricus Slehto,

Heinricus Vogelb faber et

Albertus gener eius,

Siboto de fonte,

Vlricus,

Albertus carpentarius,

Vlricus car[pentarius]c,

Geroldus Pezeret,

Heinricus [de] Nevmburchd

et alii quam plures.

Act[um] apud sanctum Nycolaum Patav[ie], anno domini MoCCoXXXoVIo, in circumcisione domini, indictione IXa.