Karle von gottes gnaden Erwelter Romischer kheiser zu allen zeitenn merer des' Reichs :c. Erwirdiger Fürst lieber andechtiger Nachdem die verfuri- sche verdampte lutherische leer im heiligen Reich teglichen zu» nimbt, dardurch somll mordts todschlags gotzlesterungh vnnd zerstorungh lande vnd leuthe entstanden vnnd eruolgt ist, da» rin wir zusehen vnnd das weither zuuorkomen souill vns mug° lich ist, schuldigk vnnd gemeint sein, Haben wir itzo dem Erwirdigen Wilhelmen Bischouenn zu Straßburgk, vnserm Für»

— 14 —

sten Math» vnnd lieben andechtigen, etliche meinongen die» nende zu verhuetongh desselben, nach Inhalt vnser schrifftlichen instruction, Ime da»uber gegeben, deiner andacht von vnsern wegen antzutzeigen, beuolhen, wie du von seiner Andacht ver» ^ nemen wirkest vnnd begern demnach an dieselb deine andacht mit sunderm vleiß vnnd ernst, die wulle Ime solichs seins an- tzeigens gleuben, gleich vns selbst, sich auch darin als vnser vnnd des reichs loblicher christenlicher, , und gehorsamer Fürst wie bißhier, gutwilligh beweysen, Daran thust du vnns zu- sambt, das du das zuthun also pfiichtigh vnnd schuldigh bist .zu erhaltungh vnnd bestendigkheit cristenlicher religio» vnnd vn- sers heiligen« glaubens besonder wollgefallen, gegen dir gne- digklich zuerkhennen. Geben in vnser Stat Seuilien am xxiijten tage des monats Martij anno «. xxvj, vnsers heiligen reichs des remischen im Siebenten.

^, Carolus

ad mandatum Cesaree et Catholice Mtis. pprium. Alexander Schweiß fßt.

Dem Erwirdigen Gabriel Bischouen zu Eystett vnserm für» sten, Fathe vnnd lieben andechtigen

Karle von gottes gnaden Er. romischer kheiser zu allen zeithen merer des reichs «.

Instruction was der Erwirdigh Wilhelm Bischoff zu Straß- burgh :c. vnser Fürst Rathe Commissarij vnnd lieber andechti- ger bei dem durchleuchtigen Fürsten Hern Ferdinanden infanten zu -Hispanien ertzhertzogcn zu Oesterreich herhogen zu Wirtem< bergh :c. vnserm freuntlichen lieben Bruder vnnd Stathalter im heiligen Reich, dem Höchwirdigen in gott vatter Hern Mat» thesen der Heiligen Romischen kirchen des Titels sancti Angeli prister cardinall, Ertzbischouen zu Saltzburgh :c. vnserm lieben freuride surften vnd Rathe, dem Erwirbigen Conraden zu Wirb« vurg'i Weyganden zu Bambergh Cristoffen zu Augspurgk zu Wormbs zu Spier zu Freysingen, Hugen zu Costentz, vnnd Gabrielen zu Eistetten bischouen vnsern Fürsten vnnd lieben andechtigen, vnd den hochgeborncn, Ludwigen Wilhelmen Otto Henrichen, vnnd Iohansen Pfaltzgrauen by Rein hertzogen in obern vnnd nidern beyern :c. vnsern lieben vettern Oheimen vnnd surften sambt allen andern vnsern vnnd des Reichs

— 15 —

Oheimen Fürsten lieben andechtigen vnd getruwen Gtauen Hern Stellen, die der Luterischen leer nit anhengigl), vnnd im obern kreiß gesessen feinde, von vnsernt wegen furtragen handlen vnnd thun soll

Anfengklich soll er sich zum förderlichsten, das ime mug. lich ist zu iren liebden andachten vnd inen sonderlich denen so. ime am nehsten gesessen vnnd woll zu erreichen sein persoenlich verfuegen vnnd inen nach vberantwurtungh vnser credentzbrieff, die wir ime an etliche insonchheit schicken, vnser bruderlich liebe freuntschafft gnade vnnd alles gut sagen, denen aber die er , der ferre des weges, und kurtze der zeit halben nachdem für» derlich Handlung!), in der fachen noet ist in eigner persoen nit heimsuchen mage petlich seinen credentzbrieff »verschicken, 'oder diesen seinen beuelhe, vnd daby von vnsernt wegen deßgleichn also zuschreiben

Vnnd Inen alßbalde darnach mundtlich ertzelen oder schrifft» lich antzeigen, wie vns leider warhafftighklich furkome, das die vnewangelische verdampte ketzerische leer, des Martein Lutters im heiligen Reich tegliche zuneme, dardurch souill mordt todt» schlege vnchristliche gotslesterungh vnnd zerstorungh Lande vnnd leuthe «ruolgt vnnd entstanden syen, vnnd befinden wir daS iren liebden andachten, vnd sie, als vnsere vnd des Reichs lobliche Cristliche Fürsten vnd glider dem almechtigen zu lobe, vnnd vnserer Mät zu undertheniger gehorsam, in irem alten glauben biß noch bestendigh vnnd stanthafftigh pleiben das wir von inen allen sambtlich vnd besonder mit danckbarem gemuet zu bruderlichem freuntlichem, vnnd sonderm gnedigem wolge. fallen vernomen haben, vnnd wollen wir inen nit pergen, da mit wir solich vnchristliche boeße vppige leer vnnd irsall auß. reutenn vnnd vertilgen, das heilig!) Reich in gute ennigkheit wiederpringen vnnd setzen. Vnnd wir alle in eynem glauben by der heiligen Christlichen kirchen beruglich pleiben moegen das wir alle vnsere fachen darnach richten vnnd gentzlich des willens seins, vns zum furderlichsten, auß vnsern hispanischen konigreichen vnnd landen zuerheben, vnd wie wir das iren liebden andachten, vnd auch vnsern vnnd des Reichs Churfnr» sten Fürsten» vnnd stenden, durch aniche vnsere brieff bereidts verkündet haben, vnsern zugk gestracks vff Rome zunemen, von bannen in Italien, so fürt/ in das heiligh Romisch Reich zukomen vnnd mit wissen, vnnd zeitigem rathe iren Liebben andachten, vnnd andern des Reichs Christlichen Churfursten surften vnnd Stenden in die berurte Lutherische boeße fache

— Ul —

l

vnd irthnmb dermassen zusehen. Vnnd ordnnngh zu geben, da. mit die grünlichen werden abgeschafft vnnd außgetilget, vnnd Her almechtigh durch vnsern heiligen glauben gebreist vnnd g«. lobt vnnd solichs vns allen zu vnftr selen seligkheit gereichen znuegen. Vnnd demnach auch dwaill des Reichs lobliche Chur. surften surften geistlich» vnnd weltlichen, so im Oberlendischen gekraiß begriffen sein, biß vff solich vnser zukunfft in iren al. ten gewoenlichen hergebrachten« glauben nach ordnungh vnnd gesehen der heiligen Christlichen kirchen standthafftigch lzupleiben geneigt feinde So Ermanen wir ire liebden andachten, vnnd andere mit besundem vleiß vnnd ernst, bruderlich freundtlich und gnedigllich an sie begerende, vnnd bithende das sie solichs mit vns also einigh syen, vnd sich von den Lutherischen zu irem vnglauben nit bewegen noch abziehen lassen obe sie auch die gedachten Lutherischen vnderstcen werden mit list oder ge> walt oder auffrur der vnchthan wie da» andern hieuormals geschehen sy, zu inen in iren vnglauben zupringen, das sie zu einander getruelichen sehen, vnd sich mit dem ernst gegen sie auffhalten, wollen wir sie in diesen fachen, ob das von noe« ten sein wult, das der almechtigh geruge gnedigklicher zuuer» hueten mit vnser hilff trost vnnd bystanot nit verlassen vnnd darumb, das sie sich als unsere vnnd des Reichs lobliche Crist, liche Fürsten vnd glidder vnserer Mit zu Ercn vnnd zu beson» derm angenemen dienst gefallen vnnd gehorsam, zu erhaltungh vnnd bestendiglheit christenlicher Religion vnnd vnsers heiligen glaubens. Vnd zuuorauß dem almechtigen zu lobe, als der dardurch großlichen gedient gepreysit vnnd geert wirdet gutwil- ligklich beweysen vnnd halten. Wie sie zuthun pfiichtigh vnnd schuldigh sein das wullen wir vber die belonungh, die sie son der zweyfell von gott darumb empfahen werden gegen ire» liebden andachten, vnd irer itlich in sonderheit bruderlich freund lich mit gnad vnnd allem guetem zuerkhennen nit vergessen. Vnd was der gedacht vnser Fürst Rathe vnnd Commissarij von Straßburgk auff diese seine werbungh von einem igklichen zu antwurt erlangen vnnd befunden wirdet, das alles soll er vns uff der post, nach der lengde furderlich vnnd eigentlich zuschreiben. Vns darnach wissen zurichten, in dem allen er uns besondern annemen dienst vnd gefallen thut gegen seiner anbacht gnedigllichen auch zuerlhennen. Geben in vnser Stadt Seuilien mit vnserer eignen Hände vnderschrieben vnnd vnserm vffgedruckten ingesiegell besiegelt am rxiijten tage des Monats Martij nach Christi vnsers lieben Hern gepurt im xv« vnnd

— 17 —

xxvj«" vnserer Reich des Romischen im Siebent pnnd der an« derer aller im Eyllfft Iaren.

Carolu^s

ad mandatum Cesaree et Catholice Mtis. proprium. Waltkirch. Alexander Schweiß sßt.

Ria. Obernberger.