Philips vonn Gots gnadenn Landgraue zu Hessen« Graue zu Catzenelenpogen «.

Hochgelarter lieber getrewer, was die verordneten des kriegs, gnant die dreitzehenn, der Stat Straßpurg, Auch Martinus Bucerus, an vns vertreulicher vnd guthertziger Meinung ge» schriebenn, dauon schicken« wir euch Inligend Copey, mit gne- digem begeren, Ihr wollet vmb der ehr Cristj vnsers erlosers willenn, vnd zu' fursorgung vnd erpreiterung gotlicher ehre, dieselbe fach woll, treulich, vnd mit allem vleiß erwegenn, vnd demnach verhütten Helffenn, das di so zur Concordj, In fachen des hochwirdigenn Sacraments «. lhomen nit wider In zwey spalt gerattenn,

Noch zwuschen Marthino, philipo, vnd andern vnsern diß theils theologenn solche vneinigkeit erwachssenn, wilchs gewieß- lich gemeinem Handell des Euangelij zum höchsten Nachteil ge langen« mochte,

Auch insonderheit bei dem Marthino daran seit, ob schon etzliche Zurncher etzwas grob werenn, das er sich dardurch nicht erhitzenn, vnd diß die andern engelten lasse, sonder als der vernunftiger thue, vnnd ein Christliche gedulde mit Inen ha be, dan solt erst zwuschen Luthero vnnd philippo vneinigkeit erwachssenn, helff Gott was wurde daruß werden, wie wur den« die papisten gloriern, vnd sagen», wan ein reich jn jm selbst vneinigkg ist, so wirts vergehen, Es wurden auch antzwei«

— 108 —

uel vnzelich vill christlich leut sich daran ergern vnd flössen, Auch vil vom Euangelio gantz fallenn. Ach almechtiger gott was thun doch die Leut, das sie solch ergerlich vnd schedlich zancken anrichtenn, wir hetten mit den Papisten, widerteuffern, juden vnd andern secten gnug zuthun, wollen» sie nun die Kirch, die sie so woll erbawet, vnd das groß lob, ehr vnd geschrei, das sie haben« vmb Irer privat sachenn, oder villeicht ergeitz aber anders halben nun ghar verliren, vnd sich jn solch geferlicheit gebenn. Es ist nit ein rechter Apostolischer geist, der das anricht, sondern ein solcher geist der zanck, zwitracht vnd Hader gern sihet,

Derwegen so thuet jn disser fach, wie wir euch als einen man der antzweiuell solch« Handlung beuor andern verstehet, vnd woll ermessen tan, worhin dj, Sonderlich aber zu Nach teil!, dem gutten fromen altenn Ertzbischoue zu Colln :c. vnd gemeinem lauf des Euangelij zu anstose gelangen mechte :c. zutrawen, Das wirdet der almechtig, als ein zeitlich guts Christlichs ^werek euch vergelten», So seind auch wirs Hinwider vmb euch gnediglich zubeschuldenn gneigt, Datum Cassell. 13 oc» tobris Anno «. frr^ciiij.