(signum crucis) In nomine Domini. Anno millesimo ducentesimo decimo ab incarnatione domini nostri Iesu Christi, mense iulii, tertiedecime indictionis et tertiodecimo anno regnante domino nostro Frederico, Dei gratia serenissimo rege Sicilie. Ego, Oddo filius quondam Robberti ||
Odonis, coram Guillelmo iudice et subscripto notario, bona mea voluntate, commutationis titulo do et per fustem trado tibi domino Iohanni venerabili priori Sancte Marie de Cripta, recipienti pro parte ecclesie tue, medietatem unius oleveti quod est Scaravaiolus dicitur, et tres||
partes unius fundi in casali Vitolano, que est per hos fines: a duabus partibus sunt vie, a tertia parte est res heredum Mathei de Arduyno, a quarta parte est res Guillelmi de Matheo et Iacobi Iohannis de Mari; olevetum autem hos habet fines: a prima parte est ||
via, a secunda parte est rivus, qui dicitur Scaravaiolus, a tertia parte est res Petri de Anso et Iohannis fratris sui, a quarta parte est via. Intra quos etenim fines totam et integram medietatem ipsius oleveti et tres partes predicti fundi tibi, sicut dictum est, do et trado cum inferioribus et ||
superioribus, cum viis et anditis atque cum omnibus inde pertinentiis transactive habendas et possidendas; et pro hac mea commutatione recepi a te in casali Cachiano modicum vinee et quendam fundum et modicum terricelle, que fuerit Madii de Romano cum suis ||
certis et propriis finibus, cum viis et anditis atque cum omnibus inde pertinentiis. Ea scilicet ratione, ut a modo et semper tu et tui successores iamdictam commutationem scilicet medietatem oleveti et tres partes dicti fundi firmiter habeatis et possideatis et omnia, que volueritis inde ||
faciatis sine mea meorumque heredum contraditione, atque per nostram defensionem ab omnibus hominibus omnibusque partibus et omni tempore; et si quid exinde per legem amiseritis aliud tantum et tale et cum tali edificio quale in illa die ibi esse invenitur, vobis restituere debeamus. ||
Quod si taliter, ut dictum est, vobis illud non adimpleverimus aut si hoc removere quesierimus, obligavimus me meosque heredes tibi tuisque successoribus quinque regales aureos componere, causa firma manente, per eandem obligatam penam et per vadiam, quam inde ||
tibi dedi et fideiussorem me ipsum posui. Hoc breve scripsi ego Octavianus notarius quia interfui. (signum notarii)

||
(signum crucis) Ego qui supra Willelmus iudex. (signum iudicis)