||
(signum crucis) In nomine domini nostri Iesu Christi, ab incarnatione eius anno millesimo ducentesimo decimo, mense augusti, indictione tertiadecima. Scriptum recordationis ||
institutum est a me Iohanne Zito iudice Limate de hoc, quod in presentia domini mei Iohannis de Sancto Fraymundo et mea, aliorumque bonorum hominum dompnus Iohannes de Cannavina,||
prior venerabilis ecclesie Sancte Marie in Cripta, pro parte et vice eiusdem ecclesie totiusque conventus conquerebatur, quod dompnus Thomasius et Iohannes Zitus de Limata iniuste ceperant ||
decimam cuiusdam petie de terra, que est eiusdem domini Iohannis de Sancto Fraymundo et vocatur Iardinus, existens in terratorio Limate, quam decimam idem prior asserebat, ||
quod dominus Guilielmus de Sancto Fraymundo, pater quondam iamdicti domini Iohannis de Sancto Fraimundo, hospitali de Limata, quod est iusta stratam prope ecclesiam Sancti Leonis, ||
dederat et tradiderat. Ipsi vero dompnus Thomasius et Iohannes Zitus superius nominati dicebant, quod eadem decima pertinebat cappelle sancti Nycolay de Limate, quam ||
ipsi tenebant. Ad quod dictus dominus Iohannes fecit in presentia sua et nostra vocari dominum Alexandrum de Calvellis et Iohanne Fraynella, ut inde dicerent veritatem. ||
Dominus Alexander sic testificatus est, “quod tempore domini Guilielmi de Sancto Fraymundo olim patris vestri, sicut ipse mihi precepit, cepi de ordeo ipsius Iardini pro corredo||
comitis Rogerii de Alifia, qui ospitatus erat in suburbio Limate, de quo ordeo precepto eiusdem domini Guilielmi redidi decimam predicto ospitali de Limate”. ||
Iohannes Fraynella dixit: “tempore quo pater meus nomine Benedictus erat starciarius dicti domini Guililemi, vidi quod cappellanus Sancti Nycolay de Limata, qui ||
vocabatur dominus Guilielmus de Caserta, petebat decimam predicti Iardini et dominus Guilielmus prenominatus respondebat ipsi cappellano: “non possum dare tibi decimam ||
de Iardino, quia eam dedi ospitali de Limata”. Tandem ita inter se convenerunt, quod sepe dictum dominus Guilielmus dedit in cambium predicto presbitero Guilielmo ||
decimam cuiusdam petie de terra, que dicitur Cepollarum, quod usque tunc de startia non fuerat. Audiens autem hoc dictus dominus Iohannes de Sancto Fraymundo fecit ||
dicto hospitali decimam restitui, confirmans et concedens de cetero iamdicto hospitali decimam sepedicti Iardini in pace tenendam et firmiter possidendam ||
atque habendam nunc et senper, et sine sua vel heredum suorum seu alicuius molestia vel requisitione; et ne in posterum oblivioni tradatur, tibi Iacobo publico notario ||
scribi presens scriptum precepi. Ego Iacobus de Marcone ex generali precepto domini curialis et publicus notarius iussu predicti iudicis hanc cartam scripxi. Feliciter. ||
(signum notarii)

||
(signum crucis) Ego qui supra Iohannes Zitus iudex. (signum iudicis)