[14] 3In unglit schaidenna

++ [14.1] Esb ist ouch besetztt, wann unglitter older krieg werdenn und die luͤt ain anderenn schlachinnd unnd biderb luͤtt dann zuͦlofind und gernn schaidenn wellttenn unnd ir bests darzuͦ thon, unnd aber ainer zuͦ aim jaich, das er inn gon liesse older mit im fraͤfnoty mitt worttenn ald mitt werchenn, ald dz ainer retty, er wett ain messer inen stossenn, das der den lanndtlütten verfallenn sin sol druͤ pfund fünf schillinng pfennig. Ouch beschaͤch dem schad, der gernn schaidenn wellte, was arzet lonns older schmerzenn er dann enpfachtt, das sol an aim radt stonn, was er sich darumm erkenntt, das sol im diser besseren. Wurd aber die sach hertter, so soͤllte es an denn lanndtlütten ston, wie man inn dann fuͤro straffenn soͤllte. Unnd soͤllinnd dem laider fünf schillinng werdenn.1

–3+||[14.2] Ittemmc es ist ouch uffgnomenn unnd besezt, wann luͤtt mitt ain annderenn stoͤssing werdenn unnd wer dann frid uffnemen unnd machen wil, das den selbigenn niemand on dannkenn sol weder mitt worttenn nach mitt werchenn. Unnd wer das nuͤtt hiellt, der ist denn landtluͤtten verfallenn druͤ pfund fünf schilling. Unnd sol dz mengklich laidenn bin sinem aid, als jegklicher den landtluͤten gschworn hatt.2

3–+ [14.3] Esd ist besezt, waire, das jemannd der unnseren, wer der wair, an allenn unnserenn kilbinen im land, wo die simd [!], unnd an jarmairkten ain krieg an fienng, der ist zuͦ buͦß denn lanndtlütten on gnad verfallenn zechenn pfund pfenig. Unnd wer darnach waffenn zuktt, der ist ouch umm die selbenn buͦß komenn. Unnd wair sach, dz darvon schad beschaich, so sol es an aim radt ston, wiee man inn, der den anfanng hett gethonn, fuͤro straff an lib unnd an guͦtt. Unnd sol jettwederm sin recht vorbehalltenn sin, die buͦß mitt der besserenn kuͦnttschafftt uff denn annderenn zuͦ brinngenn. Unnd desß glichenn am Nüwenn jar abennd unnd am tag och also.3

[14.4] f–Im 1559 jar hannd nüw unnd alt raͤtt, so gwalt von der lantz gmaind gehept, lutter erkennt, an welichem ortt im landt die kilwina old jarmairt sind, wer in derselben kilchhoͤry older gegnny, da dan die kilwy ist, fraifnet, sol die grossen buͦß verfallen sin und in nüt schirmen, ob es schon vor ussen uff den ain oͤdenn hoͤfenn beschechenn.–f4