Beilage 2.

König Ferdinand I. theilt dem Herzog Georg II . von Liegnitz das

Gesuch Herzog Friedrichs III. vom 10. Oct, 1556 (Beilage 1.)

mit nnd ladet ihn auf 31. Oct. nach Wien.

16. Oct. 1556.

(Aus dem Originale.)

Dem hochgebornnen vnnserm Oheim, Fursten vnnd lieben getrewen Georgen in Schlesien Herzogen zu Ligniz vnd Brigg.

Ferdinannd vonn Gottes Gnaden Römischer Hungarischer vnnd Beheimischer Künig etc.: Hochgebornner Oheim Furst lieber getrewer. Wir geben Dir gnedigclich zuer kennen, das sich der Hochgeborn vnnser Oheim Furst vnnd lieber getrewer Fridrich

168 //. Schweinichens Heinrich XI.

in Schlesien Herzog zur Ligniz vnnd Brigg auf vnnser gnedigiste Beglaittung zu vnns an vnnsern Kun: Hof gehorsamlich verflieget, vnns auch darauf hier inn verwarte Schrifft in Vnnderthenigkait vbergeben hatt, wie Du daraus nach lenngs verneinen wirdest. So Du Dich dann noch gehorsamlich zu erjnndern hast, welcher massen wir dem hochwirdigen vnnserm Fürsten, oberstem Haubtman in Ober vnnd Nider Schle sien vnnd lieben getrewen, Balthasarn Bischouen zu Presslaw, vnnd Dir gne digiste Vertrostung gethan haben, nemlich, das wir ine Herzog Fridrichenn one Eur vorgeendts Wissen in di Administration vnnd Regierung nit einkhomen lassenn wellen. So vbersennden wir Dir darauf obbemelte sein Schrifft vnnd ist vnnser gnediger Beuelh, das Du Dich darjnnen der geburlichen Notturfft nach ersehest. Vnnd dieweil Du neben anndern vnnsern gehorsamen Fürsten, Officiern, Reten vnnd Lanndtleutten auf den letsten diss Monats annderer vnnser obgelegner Sachen halben hieher zu erscheinen beschriben vnnd eruordert worden bist. So wirdest Du vnns auf yezbemelte Schrifft Dein gebürliche notwenndige Anntwurt zu geben wissen. Wouerr Du aber zuesteen- der Schwachait halben Deines Leibs nit erscheinen möchtest, so wellest nicht weniger zu weitterer Hanndlung Deine Gesanndten an Deiner Stat alsbald hieherr mit vollem Gewalt absennden, da auch vorgemelter Bischof auf vnnser Eruordern auch alhie er scheinen wirt, damit wir in Sachen verner dj Gebur hanndlen vnnd darauf desto stat- licher zu resoluiern haben. Wolten wir Dir gnediger Mainung nit verhallten, vnd beschicht daran vnnser gnediger Will vnnd Mainung. Geben in vnnser Stat Wienn den xvj Octobris Anno im sechs vnnd fünffzigisten, vnnserer Reiche des Römischen im xxvj, vnd der anndern aller im dreissigistenn. Ferdinand. Manu propria.

Joachim de Noua domo etc.

S. R: Bohemie cancellarius manu propria.

S. Heldt, Vicecancelarius.