152.

Pardevant nous Pieres de le Zipe, sires de Denterghem, chevalier, conseillicr de no tresredoubte seigneur, noseigneur le duc de Bourgongne, conte de Flandres et gouverneur du souverain bailliage de Lille, de Douay, dOrchies et des appertenances, le joedi, xxvii* jour du mois de avril, lan de grace mil trois cens quatre vings et seze. Comparu Miquiel Ferton , liquelz ou nom et comme procurares de messire Colart de le Clite, chevalier, sires de Commines, et procureur de Olivier Maqueriel, en temps passe lieutenant du bailli, Philippe

de le Dalle, Loy de le Walle, Watier de Tourout, Willaume Lansame et Gerart Taquelin, hommes audit sire de Commines, fonde souffisaument et par lettres, dont il fist apparoir, renoncha a un appel fait par Jake Brunel, comme procureur des dessusnommez, le xx" jour dudit mois de avril , pour et a cause d'une sentence par nous contre eulz prononchie pour et au pour- fit des religieux, le abbe et couvent de leglise et abbeye de Saint Bertin, en Saint Orner. De lequelle renonciacion le procureur desdis religieux nous a requis lettres, lesquelles nous H avons accordees. Donne soubx le seel dudit souverain bailliage, le jour et an dessusdis premierement.

J. de Laustais.

Original. Sceau enleve.