142.

Wy Lodewyc, grave van Vlaendren, hertoghe van Brabant, grave van Nevers, van Rethel, ende here van Machline, doen te wetenc allen lieden, dat ute dien, dat Pieter de Werd, Brixis de Werd ende Franse Trawoot gebannen waren , elc drie jaer of deronder, ute onsen graefscepe ende lande van Vlaendren, bi der wet van Poperinghe, wy, ter bede van onsen gheminden vriend den abd van sinte Bertins, in sinte Omaers, ende ute specialre gracien, hebben de voorseide banne ende elken zonderlinghe wederroupen ende te nieuten ghedaen, ende hebben den vornomden personen ende elken van hem wederghegheven ende gheven onse land van Vlaendren toter keure van Poperinghe, bi also dat zy niet ghebannen siin ten vervolghe van partien, ombieden ende bevelen allen baillius, serganten ende offieyers van onsen graefscepe van Vlaendren, dat zy de vornomde persone noch enighen van hem,uten ocoisoene van den banne jof bannen vorseid, niet letten noch arresteren in enegher maniere, alst es vorseid es,bi der orconsceip van desen lettren beseighelt met onsen seighele. Ghegheven te Ghend, den хIX dach van september, int jaer ons Heeren M CCC zesse ende zestich. Bi myn here in sinen raed, ter relaesen van u ende van Mr Roec Boeteline

Original. Sceau enlevé.