64.

Petrus, Dei gratia Morinensis episcopus, universis Christi fidel ibus, ad quos septembre presentium noticia pervenerit, salutem in Domino. Universitat! vestre per pre sentes litteras notum fieri volumus, quod, cum ex antiqua consuetudine et a tempore, ex quo non extat memoria, in parrochia de Poperinghem sic esset ob- servatum, videlicet quod presbiter parrochialis de Poperinghem reciperet terciam partem omnium oblationum, que fiebant ad altare ecclesie de Poperinghem, et viris religiosis abbati et conventui sancti Bertini, patronis dicte ecclesie, due partes integre remanerent, exceptis die Natalium Domini et sex diebus ei conti- nuis, die Resurrectionis Dominice et sex diebus ei continuis, et die Pentecostes et sex diebus eam continue sequentibus, in quibus omnes oblationes in solidum recipiebant, nisi in dictis diebus fierent oblationes cum candelis et in pane, vino et ovis, de quibus presbiter terciam partem et ipsi duas habebant; cum etiam dictus presbiter reciperet infra burgum de Poperinghem omnes minutas decimas integre, et dicti abbas et convenais extra burgum in tota parrochia minutas decimas in solidum reciperent, memorati abbas et conventus consi derantes, quod in dicta parrochia gentes essent multiplicate supra numerum, et quod ad curandam et regendam tantam multitudinem vires unius persone non suflicerent, de consensu presbiteri et parrochianorum dicte parrochie ita ordi- narunt: videlicet quod presbiter medietatem omnium oblationum, que de cetero fient in dicta ecclesia, integre recipiet, et ipsi aliam medietatem, exceptis oblatio- nibus Natalium, que eis integre remanebunt secundum quod superius est annotatum. Ita videlicet quod, ubicumque presbiter hactenus terciam partem oblationum recipiebat, ibi in posterem recipiet medietatem. Minutas autem decimas reci pient ipsi, et presbiter tam in burgo quam extra burgum in tota parrochia pro equalibus portionibus, excepta decima agnorum, que ipsis secundum morem solitum integra remanebit, et pensionem sex solidorum quam presbitero exinde solvere solebant de cetero non persolvent. Obventiones etiam provenientes a mulieribus in purificatione post partum, et a sponsis et sponsabus in nuptiis et purificationibus earum, quas hactenus in solidum percipiebant, ulterius cum presbitero pro virilibus portionibus percipient. Preterea parrochiani sexaginta

63

libras Flandrenses dabunt ad opus presbiteri, quarum triginta in edificatione domus ad opus presbiterorum, qui pro tempore fuerint, et alie triginta in emendis redditibus collocabuntur, quos redditus presbiter integros recipiet in perpetuum. Centum etiam solidos reddituum, quas (sic) bone memorie Daniel de Poperinghem, miles, ad opus capellanie assignavit, cum presbitero pro virilibus por- tionibus in perpetuum percipient. Presbiter autem continue ad expensas suas tenebit capellanum sibi coadjutorem, qui onus parrochie cum ipso sustinebit, quorum uterque ad continuam tenebitur residentiam; et eum de consensu abba- tis et conscientia eliget presbiter, et ministrabit eidem expensas secundum quod inter eos convenitur. Qui capellanus poterit amoveri quotiens abbati vel presbitero videbitur expedire, et uno amoto alius substituetur, secundum modum superius annotatum, salva in lnis omnibus auctoritate nostra. Preterea monachus sancti Bertini, qui de consuetudine in ecclesia de Poperinghem celebrabat, ad hoc ulterius non tenebitur; et tenebitur presbiter ad ea facienda, ad que tenebatur monachus in capella de Wastina; et censum annuum triginta denariorum Flan- drensium et viginti solidorum in annis bissextilibus, in quo hactenus tenebantur nobis dicti abbas et conventus, solvet presbiter pro ipsis in perpetuum. Ducentas autem gharbas bladi et quadringentas avene, quas hactenus recepit annuatim presbiter in grangia prepositi de Poperinghem, percipiet in posterum more consueto, secundum quod omnia predicta nobis constant per litteras patentes memoratorum abbatis et conventus et confessionem presbiteri. Nos autem or- dinationem predictam approbantes, eam ad petitionem partium quantum in nobis est confirmamus. In cujus rei testimonium presentem cartam sigilli nostri munimine duximus roborandam. Actum anno Dominice Incarnationis millesimo ducentesimo tricesimo septimo, mense septembri.

Original. Sceau enlevé.