Cartularium Recuil des Chartes Du Prieure de Saint Bertin, A Poperinghe et de ses dependances a Bas-Warneton et a couckelaere, Nr. 48. , S. 61
Current repository:
Cartularium Recuil des Chartes Du Prieure de Saint Bertin, A Poperinghe et de ses dependances a Bas-Warneton et a couckelaere, Nr. 48. , S. 61


48.
Ego Balduinus, dominus de Commines et castellanus Ariensis, notum esse volo omnibus hec inspecturis quod, cum Balduinus de Meternes et Elizabeth,
48
uxor ejus, cognata mea, duas garbas decime de Baswarnestun, ex aquilonari parte Leye fluminis jacentis, quam a patre meo in feodo tenuerant, eidem patri meo ad opus ecclesie sancti Bertini reddidissent, et ipse et predicte persone eandem decimam eidem ecclesie in elemosinam dedissent, per hoc in fraternitatem ejus recepti. Johannes de Bundus, consanguineus meus, intelligens quod pre- dictus Balduinus pecuniam exinde habuisset, venit ad curiam patris mei, requirens ut eandem decimam jure propinquitatis emere posset. Contra quem predictus Balduinus de Meternes veniens cum amicis suis, presente predicto Johanne, optulit coram hominibus patris mei, quod eandem decimam judicio hominum suorum ecclesie sancti Bertini guarandizare vellet. Abbas etiam sancti Bertini, qui presens erat, requisivit a patre meo constanter, ut eandem decimam, que in dominio suo jacebat et quam ei in elemosinam dederat, ecclesie sue defenderet et conservaret, minando patri meo quod, si hoc negligeret, ipsum et totam terram suam excommunicari faceret. Ad que, cum sepedictus Johannes de Bundus nichil ralionis responderet, pater meus consilio meo et Michaelis de Harnes, hominis sui, et aliorum hominum suorum, promisit eidem abbati, quod ecclesie sue decimam hanc defenderet et conservaret; et quia hiis interfui, secure que vera sunt testificor, et cum per Dei gratiam heres sum patris mei, quia ipse ecclesie sancti Bertini promisit, quod hanc decimam ipse defenderet et conservaret, ego quoque ad idipsum per presens scriptum me obligo, et eandem decimam sepedicte ecclesie confirmo. Actum est hoc anno Domini M° CO octavo decimo.
Original. Sceau enlevé.
d'Hoop, Felix Henri: Cartularium Recuil des Chartes Du Prieure de Saint Bertin 1870 (Google data) 48. , in: Monasterium.net, URL <https://www.monasterium.net/mom/SaintBertin/f5df7ea3-af94-4539-b2fa-6c8c66628eb2/charter>, accessed 2025-04-20+02:00
The Charter already exists in the choosen Collection
Please wait copying Charter, dialog will close at success