Ich^a Jans von Chünrring, obrister schenkch in Österreich, und Lewtolt mein prueder vergehen und tuen chunt allen den die nu lebent und hernach chuenftig sind, di disen brief sehent und hoernt lesen, daz wi^er von einem hof und von drin^b lehen und von einer hofstat, dew ligent ze Jewching in der Wochaw und gehoernt auf daz gotzhaus ze Sand Poelten, alle jar stewr haben genomen, so wier von anderm guet stewr namen daz in unsrer^c gepiet leit und in unsrer phleg. Nu hab wi^er uns verdacht mit unsrer mueter vrown Angnesen der grefinn und mit andern unsern pidern leuten und sein enain worden, daz wier durich got und durich unserer sel hail und durich den erbern frumen man probst Hainreichen, der des vorgenanten gotzhaus herre und phleger zu den zeiten waz, demselben gotzhaus dise genad ze fuedrung haben getan, daz weder wier noch dehainer unsrer eriben di wier nu haben oder noch gewinnen, von dem vorgenanten guet ze Jewching noch von den leuten di dar auf sitzent dehain stewr nimmer^d schullen gevodern oder genemmen noch dehainer unser phleger. Ez schol auch der vorgenant probst und sein amptleut und all pröbst di nach im choement all sach richten auf dem selben guet, di inner haus geschehent, an vier sache di hernach geschriben stent, das sind totsleg, dief, notnuft und lem, di schull wier richten wier^e und unser eriben; die andern sache schullen di vorgenanten herren und ier phleger richten, als ez hie vor auzgenomen ist,ez wer dann so vil, daz ier ambptman recht versait oder sauemig wer an dem recht ze tuen, so schullen unser amptleut richten. Swaz auch auf der strazz geschiecht, daz gehoert daz gotzhaus nicht an ze richten, nuer daz inner haus geschiecht. Wier haben auch dem oftgenanten probst und seinem gotzhaus daz ze lieb getan, daz wier fuer unsern gesatzten dienst und fuer unserew recht, daz wier auf dem vorgenanten guet jerleichen ze vogtrecht haben, wand^f wier sein eribvogt sein, daz pei z'ainzigen^g dingen auf malphenningen, auf huenren, auf aiern und swie es genant ist lag, all jar an sand Cholmans tag drei schilling phennig schol nemmen an zwen phennig, di schol man uns und unsern eriben all jar an dem tag geben. Und haben im auch fuemf emmer holz, emmer lazzen an vier emmer rechter und gemainer wein^h emmer, daz man uns und unsern eriben di geben schol ze sand Michels mezze oder wann man deuⁱ weingarten list. Daz daz also stet und unzebrochen beleibe, darumb so gib ich Jans von Chunrring disen brief dem oftgenanten probst Hainreich und seinem gotzhaues ze sand Poelten ze u^erchund versigelt mit meinem insigel wann mein prueder Leutolt noch dhain insigel nicht hat,^j mit den gezeugen den dise sach chunt und gewizzen ist, daz ist: unser vetter her Alber von Chunrring, her Dietreich von Zawcha, her Ott von Pergarn, her Hadmar von Spitz, her Hadmar von Wolfzperch, her Eberh. Schekchen, Hainreich von Swelnpach, Erhart von Rozzazz, Ru^edolf Wolfrewter, Fridel Hewndel und manich ander erber man. Ditz dinch ist geschehen und der brief ist gegeben, do von Christes gepu^erd ist gewesen dreuzehen hundert jar* im zwai und zwainzigistem jar, an sand Nyclos tag.^k

Source Fulltext: LAMPEL, Urkunden Sanct Pölten (=FRA I, Wien 1981) S. 264-265