Ich^a Hanns von Chunrring,^b obrister schenkch in O^esterreich, und mein prueder Lewtolt vergehen und tuen chunt allen den di nu lebent oder hernach chuenftig sind, di disen brief sehent oder hoernt lesen, daz wi^er mit wolverdachtem muet und nach zeitigem rat, ze vodrist^c durich got und durich unser sel hail dem erbern herren probst Hainreichen und dem gotzhaus ze Sand Poelten das holz daz da leit ze Wochaw in dem Motsedel,^d das Goerig Ortweins^e suen von Wochaw von uns gehabt hat, gelazzen haben ze rechtem pu^erchrecht, also das sew uns all jar des nachsten sunntages nach sand Michels tag zwen phenning da von raichen, und wier wellen auch des vorgenanten holz scherm und gewer sein des gotzhaus ze sand Poelten, ob sew icht darumb an gieng.^f Daz das also^g stet und unzebrochen beleib, darumb so gib ich Jans von Chunnrring disen brief dem vorgenanten herren probst Hainreichen und dem gotzhaus ze Sandpoelten versigelt mit meinem insigel, wann mein prueder Lewtold dhain insigel nicht hat, mit den gezeugen, daz ist: unser vetter her Alber von Chunrring, her Dietreich von Zawcha, her Ott von Pergarn, Erhart von Rozzazz,^h Ru^edolf Wolfrewterⁱ und ander erber man. Ditz dinch ist geschehen^k und der brief ist gegeben, do von Christes gepu^erd ist gewesen dreuzehen hundert jar in dem zwai und zwainzigistem^l jar, an sand Niclas tag.

Source Fulltext: LAMPEL, Urkunden Sanct Pölten (=FRA I, Wien 1981) S. 263