Ich Hainrich der Tamprukka^er ze Ibs vergich offenleich und tuen chunt mit u^erchund dicz gegenwuertigen priefs allen den di in lesent oder hoernt lesen, di nu sind oder her nach^a chünftig werdent, ^b das ich und mein vodern gehabt haben ainen weinzehent in der Wachaw^c auf suemleichen^d weingarten dacz Riczling und dapei; und aller zehent, der dar^e umb leit vor und nach und darneben überal in der Wachaw^c von Möstnichk^f2 unz an den Watstain, ist der ersamm^g herren und der gotshaeuser ze Sand Poelten und ze Sand Florian, und sind da mit begnatt^h von dem pistum von Pazzaw, dar über si guet hantfest habent. Und dar umb, das in dacz selb^k icht^l mer auzzers und vrömdes^m was dannⁿ das mein, ward mein vater Wernher, dem got genad, weilen von den vorgenanten herren an gesprochen umb den selben zehent also: er gehort in ier zehent und waer dar aus geprochen^o und enphroemt. Da schermt und wert und redt^p sich mein vater da mit, das er sein jach ze lehen von ander herschaft dann von Pazzaw. Nu sind zu mier choemen di ersamm herren probst Hainrich von Sand Pölten und probst Wernher von Sand Florian und habent mich des mit der worhait beweist und ermont, das ich den vorgenanten zehent nicht gewerleich besezzen han, wenn er auch lehen ist von dem pistum ze Pazzaw nd ze recht gehoert in ander ieren zehent; und han mein gewizzen n gesehen mier und allen meinen vodern und nachchoemen ze ainem wigen selgraet und han mit guetem willen meiner hausvrown vrown sann und mit gunst und rat aller meiner vreunt den vorgenanten erren und iern gotshaüsern ze choufen gegeben ledichleich und reileich umb vier und sibenzigk phunt phenning und zwai phunt meiner hausvrown ze leitchouf, der ich^q aller schon und gaenzleich gewert und verricht pin, alles das recht und den nucz ganz und gar den ich und all mein eriben gehabt haben, versuecht und un versuecht, an dem vorgenanten zehent, und pin auch des ier scherm und ier gewer fuer all ansprach. Waer aber das in fuerbas chein chrieg oder widerung^r von iemand dar umb auf stuend, swas si des schaden naemen,^s des schuellen si mit meinem und meiner vreunt guetleichem willen voellichleich zue choemen und haben auf alle das ich in dem land dacz^t O^esterreich han. Und das die wandlung staet und unverchert^u beleib, gib ich in disen prief ze einem sichtigen uerchuend bewart und versigelt mit meinem insigel und, ze pezzer bestätt^v und zeugung,^w mit hern Ekcharts meins vetern und hern Hagens von Spilberch insigel^x gevestent, mit den zeugen di hie benant sind: her Hainrich von Vidorf, Fridrich sein prueder, Otakcher der Tamprukkaer, Symon und Dietrich richtaer ze Ibs‚ Peter Weigel,^y Levpolt Zaenkel,^z Reicher purger ze Ibs und ander piderb laeut genueg, den iz chunt und gewizzen ist. Dise wandlung ist geschehen dacz Ybs, da von Christi gepu^erd vergangen waren dreuzehen hundert jar darnach in dem dreu und zwainzigistem jar, an sand Lucein tag.

Source Fulltext: LAMPEL, Urkunden Sanct Pölten (=FRA I, Wien 1981) S. 269-270